ధర్పల్లి మండలం ఎల్లారెడ్డిపల్లిలో నిహారిక చిల్డ్రన్ స్పెషల్ హాస్పిటల్ ఆధ్వర్యంలో నిర్వహించిన ఉచిత వైద్య శిబిరం విజయవంతమైంది. ఈ శిబిరంలో చిన్నారులకు ఉచిత ఆరోగ్య పరీక్షలు, మందుల పంపిణీ చేపట్టారు.
ఎల్లారెడ్డిపల్లి న్యూ గ్రామ పంచాయతీ పరిధిలో ఆదివారం జరిగిన ఈ వైద్య శిబిరానికి స్థానికుల నుంచి విశేష స్పందన లభించింది. నవజాత శిశువులు, చిన్నారులకు వైద్య సేవలు అందించడమే లక్ష్యంగా ఈ కార్యక్రమం నిర్వహించబడింది.
సర్పంచ్ శ్రీమతి మఠంల సుజాత శేఖర్, ఉప సర్పంచ్ శ్రీమతి జిన్నా సౌజన్య అశోక్ సహకారంతో జరిగిన ఈ 9వ ఉచిత శిబిరంలో డాక్టర్ నిహారిక (పీడియాట్రిక్స్) చిన్నారుల ఆరోగ్య సమస్యలను పరిశీలించి, ఉచితంగా మందులు అందజేశారు.
డాక్టర్ నిహారిక పిల్లల ఆరోగ్యం పట్ల తల్లిదండ్రులు తీసుకోవాల్సిన జాగ్రత్తలను వివరించారు. సరైన పోషకాహారం, పరిశుభ్రత పాటించడం ద్వారా పిల్లలను ఆరోగ్యంగా ఉంచుకోవచ్చని ఆమె తల్లిదండ్రులకు సూచించారు. ఎల్లారెడ్డిపల్లితో పాటు పరిసర గ్రామాల నుంచి కూడా పలువురు హాజరయ్యారు.
నిహారిక చిల్డ్రన్ హాస్పిటల్ నిర్వాహకులు తెలిపిన వివరాల ప్రకారం, ధర్పల్లి దమ్మన్నపేట్ ‘ఎక్స్’ రోడ్డులో ఉన్న ఈ హాస్పిటల్లో 24 గంటల అత్యవసర సేవలు అందుబాటులో ఉన్నాయి. ప్రతి బుధవారం ఉచిత ఓపీతో పాటు, ఆదివారాల్లో కూడా వైద్యురాలు అందుబాటులో ఉంటారని తెలిపారు.
