Nirmal/Mamda (మనోరంజని తెలుగు టైమ్స్) జూలై 17
లక్ష్మణచాంద మండలంలోని కనకాపూర్, రాచాపూర్, లక్ష్మణచాంద, మునిపెల్లి గ్రామాల్లో జరుగుతున్న సమగ్ర ఓటరు జాబితా ప్రత్యేక సవరణ ప్రక్రియను కాంగ్రెస్ పార్టీ నిర్మల్ నియోజకవర్గ ఇన్చార్జి కూచాడి శ్రీహరి రావు శుక్రవారం పరిశీలించారు. ఈ సందర్భంగా బూత్ స్థాయి అధికారులకు సూచనలు చేశారు. నూటికి నూరు శాతం ఓటరు నమోదు పూర్తి చేసిన అధికారులను సన్మానించారు.
లక్ష్మణచాంద మండలంలోని కనకాపూర్, రాచాపూర్, లక్ష్మణచాంద, మునిపెల్లి గ్రామాల్లో కొనసాగుతున్న సమగ్ర ఓటరు జాబితా ప్రత్యేక సవరణ ప్రక్రియను కాంగ్రెస్ పార్టీ నిర్మల్ నియోజకవర్గ ఇన్చార్జి కూచాడి శ్రీహరి రావు శుక్రవారం పరిశీలించారు.
ఈ సందర్భంగా బూత్ స్థాయిలో జరుగుతున్న ఓటరు నమోదు, సవరణ, మార్పులు, చేర్పుల ప్రక్రియపై అధికారులను అడిగి వివరాలు తెలుసుకున్నారు. బూత్ స్థాయి అధికారులకు పలు సూచనలు చేశారు. రాచాపూర్ గ్రామంలో ఓటరు నమోదు ప్రక్రియను నూటికి నూరు శాతం పూర్తి చేసిన బూత్ స్థాయి అధికారులు, బూత్ స్థాయి ప్రతినిధులను శాలువాలతో సన్మానించి అభినందించారు.
అనంతరం శ్రీహరి రావు మాట్లాడుతూ, అర్హులైన ప్రతి ఒక్కరి పేరు ఓటరు జాబితాలో ఉండేలా అధికారులు పారదర్శకంగా విధులు నిర్వహించాలని సూచించారు. ప్రజలు కూడా తమ పేర్లు ఓటరు జాబితాలో నమోదు చేసుకోవడంతో పాటు వివరాల్లో పొరపాట్లు ఉంటే వెంటనే సవరించుకోవాలని కోరారు. ప్రజాస్వామ్యంలో ఓటు హక్కు అత్యంత విలువైనదని, ప్రతి ఒక్కరూ ప్రత్యేక సవరణ ప్రక్రియను సద్వినియోగం చేసుకోవాలని పిలుపునిచ్చారు.
ఈ కార్యక్రమంలో మండల పార్టీ అధ్యక్షుడు కొండ్రు నరేష్ రెడ్డి, వ్యవసాయ మార్కెట్ కమిటీ మాజీ అధ్యక్షుడు ఈటెల శ్రీనివాస్, అబ్బడి ప్రతాప్ రెడ్డి, రాచాపూర్ సర్పంచ్ మహేష్, ఎంబడి రాకేష్, గాజుల రవికుమార్, కొట్ట శేఖర్, గంగాధర్ గౌడ్, నారాయణ, గుర్రం లింగారెడ్డి, చింతకింది శేఖర్ రెడ్డి, నల్ల రాజశేఖర్ రెడ్డి, రాజారెడ్డి, గుర్రాల దేవేందర్ రెడ్డి, పార్పెల్లి నర్సారెడ్డి, సమ్మెట రవి తదితరులు పాల్గొన్నారు.
