తెలంగాణ ఎమ్మెల్యేకు న్యూడ్ వీడియో కాల్?*

*తెలంగాణ ఎమ్మెల్యేకు న్యూడ్ వీడియో కాల్?*

ఎమ్4న్యూస్ ( ప్రతినిధి ) అక్టోబర్ 19

హైదరాబాద్:అక్టోబర్ 19

ఈ మధ్యకాలంలో సైబర్ నేరాలు పెచ్చుమీరుతున్నా యి. రోజుకో కొత్త తరహాలో మోసాలకు పాల్పడుతు న్నారు కేటుగాళ్లు. గిఫ్టులు, ఈ కేవైసీలు, లాటరీలు, డ్రగ్స్ పార్సిల్స్ వంటి కాల్స్ తోపాటు తాజాగా న్యూడ్ కాల్స్ వీడియో కాల్స్ చేస్తూ భయబ్రాంతులకు గురి చేస్తున్నారు.

రోజుకో రకంగా సైబర్ కేటుగాళ్లు అమాయకులను టార్గెట్ చేస్తున్నారు. గుర్తు తెలియని నెంబర్ల నుంచి వీడియో కాల్స్ చేసి అందులో న్యూడ్ గా కనిపి స్తున్నారు. ఇటు నుంచి కాల్ లిఫ్ట్ చేయగానే.. రికార్డు చేసి డబ్బులు ఇవ్వాలంటూ డిమాండ్ చేస్తున్నారు.

లేదంటే వీడియోను సోషల్ మీడియాలో షేర్ చేస్తా మంటూ బెదిరింపులకు పాల్పడుతున్నారు. సామాన్యులకే కాదు.. ఎమ్మెల్యేలకు కూడా న్యూడ్ కాల్స్ బెడద తప్ప డం లేదు. న్యూడ్ వీడియో కాల్స్ బెడద వణికిస్తోంది.

తాజాగా తెలంగాణలో ఓ ఎమ్మెల్యే కూడా ఈ న్యూడ్ వీడియో కాల్స్ బారిన పడ్డారు. ఉమ్మడి కరీంనగర్ జిల్లాకు చెందిన ఆ ఎమ్మెల్యేకు ఈనెల 14వ తేదీన అర్థరాత్రి వీడియో కాల్ వచ్చింది. గుర్తుతెలి యని నెంబర్ నుంచి ఆ వీడియో రావడంతో ఆ ఫోన్ లిఫ్ట్ చేశారు.ఎమ్మెల్యే. దీంతో వెంటనే ఫోన్ స్క్రీన్ పై మహిళ నగ్నంగా కనిపించింది.

దీంతో ఒక్కసారిగా ఆందోళ నకు గురైన ఎమ్మెల్యే వెంటన్ ఆ కాల్ ను కట్ చేశారు. అయితే తనపై కుట్ర పన్నేందుకు ఎవరైనా అలా న్యూడ్ వీడియో కాల్ చేశారా లేక నిజంగానే గుర్తుతెలియని వ్యక్తులే చేసి ఉంటారా? అనే అనుమానం ఎమ్మెల్యేకు వచ్చింది.

తన పరువు, ప్రతిష్టను దిగజార్చడంతోపాటు బ్లాక్ మెయిల్ చేసే ఉద్దేశ్యంతోనే ఎవరైనా ఈ పని చేసి ఉంటారా అనే సందేహంతో ఆయన వెంటనే పోలీసు లకు ఫిర్యాదు చేశారు. తెలంగాణ సైబర్ సెక్యూ రిటీ బ్యూరోలో లిఖిత పూర్వకంగా ఫిర్యాదు చేశారు.

ఈ మేరకు కేసు నమోదు చేసుకున్న పోలీసులు దర్యాప్తు చేపట్టారు. ఎమ్మెల్యే ఫిర్యాదులో పేర్కొన్న ఫోన్ నెంబర్ ఎవరిది అనే విషయం కనుక్కునే కోణంలో పోలీసులు విచారిస్తు న్నారు.