మిర్యాలగూడ పట్టణంలోని జ్యోతి హాస్పిటల్ లో చికిత్స పొందుతున్న మానవ హక్కుల సంఘం రాష్ట్ర నాయకులు పి. సుబ్బారావును మిర్యాలగూడ ఎమ్మెల్యే బత్తుల లక్ష్మారెడ్డి (బిఎల్ఆర్) ఆదివారం నాడు పరామర్శించారు. ఆయన ఆరోగ్య పరిస్థితిని అడిగి తెలుసుకున్న ఎమ్మెల్యే, సుబ్బారావుకు మెరుగైన వైద్య సేవలు అందించాలని వైద్యులకు సూచించారు.
హాస్పిటల్ కు చేరుకున్న ఎమ్మెల్యే బిఎల్ఆర్, పి. సుబ్బారావు ఆరోగ్య పరిస్థితిపై వైద్యులతో సుదీర్ఘంగా చర్చించారు. రోగికి అందుతున్న చికిత్స వివరాలను అడిగి తెలుసుకున్నారు. ఎటువంటి ఇబ్బందులు లేకుండా అన్ని రకాల వైద్య సేవలు అందించాలని వైద్యులకు సూచనలు చేశారు.
ఈ సందర్భంగా ఎమ్మెల్యే మాట్లాడుతూ, ప్రతి పౌరుడికి నాణ్యమైన వైద్య సేవలు అందుబాటులో ఉండాల్సిన ఆవశ్యకతను నొక్కి చెప్పారు. ఎవరూ కూడా వైద్యం అందక బాధపడకూడదని, ప్రభుత్వం తరపున అన్ని విధాలా సహకారం అందిస్తామని హామీ ఇచ్చారు.
పి. సుబ్బారావు త్వరగా కోలుకోవాలని ఆయన ఆకాంక్షించారు. ఈ పరామర్శ కార్యక్రమంలో డిసిసి ప్రధాన కార్యదర్శి చిలుకూరి బాలు, డాక్టర్ జాడి రాజు, అంబటి నాగన్న, కస్తూరి ప్రభాకర్, మేనేపల్లి పాండురంగారావు, సిపిఐ జిల్లా కార్యవర్గ సభ్యులు బంటు వెంకటేశ్వర్లు, ఉపాధ్యాయురాలు అరుణ, డైమండ్ అశోక్ తదితరులు పాల్గొన్నారు.
