బైంసా (మనోరంజని తెలుగు టైమ్స్) జూలై 26
తొలి ఏకాదశి పర్వదినాన్ని పురస్కరించుకుని బైంసా మండలంలోని కద్గమ్ గ్రామంలోని శ్రీ విఠల్ రుక్మిణి భాయి ఆలయంలో ముధోల్ ఎమ్మెల్యే పవార్ రామారావు పటేల్ ప్రత్యేక పూజలు నిర్వహించారు. ఎమ్మెల్యే భక్తిశ్రద్ధలతో స్వామివారికి పూజలు చేసి, నియోజకవర్గ ప్రజల సుఖశాంతుల కోసం ప్రార్థించారు.
తొలి ఏకాదశి పర్వదినాన్ని పురస్కరించుకుని బైంసా మండలంలోని కద్గమ్ గ్రామంలోని శ్రీ విఠల్ రుక్మిణి భాయి ఆలయంలో ముధోల్ ఎమ్మెల్యే పవార్ రామారావు పటేల్ ప్రత్యేక పూజలు నిర్వహించారు.
ఈ సందర్భంగా ఆలయాన్ని దర్శించుకున్న ఎమ్మెల్యే భక్తిశ్రద్ధలతో స్వామివారికి ప్రత్యేక పూజలు చేశారు. ముధోల్ నియోజకవర్గ ప్రజలు సుఖశాంతులతో, ఆయురారోగ్యాలతో ఉండాలని, పాడిపంటలు సమృద్ధిగా పండాలని, రైతులకు సకాలంలో వర్షాలు కురిసి అన్ని విధాలా శుభసమృద్ధి చేకూరాలని స్వామివారిని ప్రార్థించారు.
అనంతరం ఆలయ నిర్వాహకులు, గ్రామ పెద్దలు ఎమ్మెల్యేకు ఘన స్వాగతం పలికి ఆలయ విశిష్టతను వివరించారు. ఈ కార్యక్రమంలో ప్రజాప్రతినిధులు, మండల నాయకులు, ఆలయ కమిటీ సభ్యులు, గ్రామ పెద్దలు, భక్తులు, పార్టీ కార్యకర్తలు పాల్గొన్నారు.
