రాజన్న సిరిసిల్ల, 26 July
రాజన్న సిరిసిల్ల జిల్లాలో ఏసీబీ అధిారలమంూ నమ్మించి, విద్యత్ శాఖ ఉద్యోిని రూ.1.50 ల్షల మోసం చసిన ఘన లలం రపింది. 'మీపై అవినీతి ఆరోపణల ఉన్నాయి, ార్యాలయంలో సోదాల జరతన్నాయి' అంూ సైబర్కేటుగాళ్లు ాళ్ల శివశంర్ అన లైన్ ఇన్స్పె్ర్న భయపె్ి డబ్బల దండన్నార.
తెలంగాణలోని రాజన్న సిరిసిల్ల జిల్లాలో దారుణమైన మోసం వెలుగు చూసింది. ఏసీబీ అధికారులమని నమ్మించి, విద్యుత్తు శాఖ (TSEPDCL) ఉద్యోగులను భయాందోళనకు గురిచేసి రూ.1.50 లక్షలు కాజేసిన సంఘటన చోటుచేసుకుంది. 'మీపై అవినీతి ఆరోపణలు ఉన్నాయి.. కార్యాలయంపై ఏసీబీ సోదాలు జరుగుతున్నాయి' అంటూ సైబర్ కేటుగాళ్లు ఈ ఘాతుకానికి పాల్పడ్డారు.
ఈ నెల 22న లైన్ ఇన్స్పెక్టర్గా పనిచేస్తున్న శివశంకర్ అనే ఉద్యోగికి, తోటి ఉద్యోగి ద్వారా ఒక ఫోన్ కాల్ వచ్చింది. 'ఏసీబీ డీఎస్పీ లైన్లో ఉన్నారు.. మీతో మాట్లాడాలంట' అని చెప్పడంతో బాధితుడు నిజమేనని నమ్మాడు. అనంతరం శివశంకర్ నంబర్ సేకరించిన గుర్తుతెలియని సైబర్ కేటుగాడు, ఏసీబీ అధికారిగా నటిస్తూ బెదిరింపులకు దిగాడు.
"నువ్వు సెక్షన్ పరిధిలో ఎక్కువగా అక్రమ వసూళ్లకు పాల్పడుతున్నట్లు మాకు ఫిర్యాదులు వచ్చాయి. మీ కార్యాలయంలో ఏసీబీ అధికారులు సోదాలు చేస్తున్నారు. నిన్ను కూడా ఏ క్షణంలోనైనా అరెస్ట్ చేసే అవకాశం ఉంది" అని తీవ్రంగా భయపెట్టాడు.
ఉద్యోగం, సమాజంలో పరువు పోతుందన్న తీవ్ర ఆందోళనకు గురైన బాధితుడు, తనపై ఎలాంటి చర్యలు తీసుకోకుండా వ్యవహారాన్ని ముగించాలని 'నకిలీ' ఏసీబీ అధికారిని వేడుకున్నాడు. నీపై కేసు నమోదు చేయకుండా ఉండాలంటే వెంటనే రూ.2 లక్షలు పంపాలని కేటుగాడు డిమాండ్ చేశాడు. కంగారుపడిన బాధితుడు శివశంకర్ తన ఫోన్ పే (PhonePe) ద్వారా స్వయంగా రూ.లక్ష, అలాగే తన మిత్రుడి వద్ద నుంచి మరొక రూ.50 వేలు అప్పుగా తీసుకుని సైబర్ నేరగాడు చెప్పిన యూపీఐ ఐడీకి తక్షణమే బదిలీ చేశాడు.
డబ్బులు పంపిన తర్వాత కూడా సైబర్ నేరగాడి నుంచి సరైన స్పందన లేకపోవడం, ఆ తర్వాత పరిశీలిస్తే ఆఫీసులో ఎలాంటి ఏసీబీ సోదాలు జరగలేదని తెలియడంతో తాను దారుణంగా మోసపోయానని శివశంకర్ గ్రహించాడు. ఆలస్యం చేయకుండా వెంటనే జాతీయ సైబర్ క్రైమ్ హెల్ప్లైన్ నంబర్ 1930 కి ఫోన్ చేసి ఫిర్యాదు నమోదు చేశాడు. బాధితుడు ఇచ్చిన వివరాల ఆధారంగా సిరిసిల్ల పోలీసులు శనివారం కేసు నమోదు చేసి, దర్యాప్తు ప్రారంభించారు.
ఈ ఘటనపై రాజన్న సిరిసిల్ల జిల్లా డీఎస్పీ నాగేంద్రచారి స్పందిస్తూ.. ప్రభుత్వ ఉద్యోగులు, ప్రజలు సైబర్ కేటుగాళ్ల బెదిరింపులకు లొంగవద్దని సూచించారు. ఏసీబీ, సీబీఐ, ఈడీ, లేదా పోలీసు అధికారులు ఫోన్లలో మాట్లాడి కేసుల నుంచి మినహాయింపు కోసం డబ్బులు డిమాండ్ చేయరని తెలిపారు. ఇలాంటి ఫోన్ కాల్స్ వచ్చినప్పుడు వెంటనే కంగారుపడకుండా, ఉన్నతాధికారులకు లేదా స్థానిక పోలీస్ స్టేషన్కు సమాచారం ఇచ్చి నిర్ధారించుకోవాలని హెచ్చరించారు.
