బాసరాలు, 4 September
సిరిసిల్లకు చెందిన నేత నల్ల జగదీష్, బాసర చేనేత మగ్గంపై తెలుగు అక్షరమాలను పట్టుచీరపై నేసి తన కళానైపుణ్యాన్ని ప్రదర్శించారు. 6 మీటర్ల 30 సెంటీమీటర్ల పొడవు, 650 గ్రాముల బరువున్న ఈ పట్టుచీరను ఆయన 15 రోజులపాటు శ్రమించి రూపొందించారు. ఈ అద్భుత కళాఖండాన్ని బాసర శ్రీజ్ఞాన సరస్వతి అమ్మవారికి సమర్పించారు.
తెలుగు అక్షరమాలతో పట్టుచీర.. బాసర సరస్వతికి సమర్పణ బాసర చేనేత మగ్గంపై తెలుగు అక్షరమాలను పట్టుచీరపై నేస్తూ తన కళానైపుణ్యాన్ని చాటుకున్నారు సిరిసిల్లకు చెందిన నల్ల జగదీష్ నేత. నల్ల పరంధాములు కుమారుడైన జగదీష్ 6 మీటర్లు 30 సెంటీమీటర్ల పొడవు, 650 గ్రాముల బరువున్న పట్టుచీరను 15 రోజులపాటు శ్రమించి రూపొందించారు. తెలుగు అక్షరమాలను పొందుపరుస్తూ సున్నితమైన పనితనంతో చేనేత వస్త్రాన్ని తయారు చేశారు.చేనేత పరిశ్రమ మిల్లు వస్త్రాలతో పోటీ పడలేక ఇబ్బందులు ఎదుర్కొంటున్నప్పటికీ, వృత్తి కళాకారులు తమ నైపుణ్యంతో వినూత్నమైన వస్త్రాలను రూపొందిస్తూ చేనేతకు ప్రత్యేక గుర్తింపు తీసుకొస్తున్నారని నిజామాబాద్ చేనేత సహకార సంఘం అధ్యక్షురాలు గుజ్జ రాజేశ్వరి తెలిపారు. నల్ల జగదీష్ రూపొందించిన తెలుగు అక్షరమాల పట్టుచీర పద్మశాలీల వృత్తి నైపుణ్యానికి నిదర్శనమన్నారు.మేళతాళాల నడుమ బాసరలోని శ్రీజ్ఞాన సరస్వతి అమ్మవారి ఆలయానికి ఈ పట్టుచీరను సమర్పించారు. ఆలయ ఈవో అంజనాదేవి, వేద పండితుల సమక్షంలో ప్రత్యేకంగా సమర్పణ కార్యక్రమం నిర్వహించారు. తెలుగు అక్షరమాలను చేనేత మగ్గంపై పట్టుచీరగా రూపొందించి అమ్మవారికి సమర్పించడం పద్మశాలి సమాజానికి గర్వకారణమని నిర్వాహకులు పేర్కొన్నారు.కార్యక్రమంలో సత్ర అధ్యక్షుడు రాపోల్ సుధాకర్, కార్యనిర్వహక అధ్యక్షురాలు గుజ్జ రాజేశ్వరి, ప్రధాన కార్యదర్శులు రమణ విశ్వం, జెంటిల్ శ్యామ్, స్థానిక సర్పంచ్ తీగల వెంకటేష్ గౌడ్, కొక్కుల గంగాధర్, మోరే సాయిలు, ఎలగందుల శ్రీనివాస్, ఓని స్వామి, రువ్విపోశెట్టి, మేకల అశోక్, అంకం రమేష్తో పాటు గ్రామ పద్మశాలి సంఘం నాయకులు పాల్గొన్నారు.
