ఖానాపూర్, జూలై 29
కొన్ని రోజులుగా వర్షం కోసం ఎదురుచూస్తున్న ఖానాపూర్ ప్రజలకు, రైతులకు ఊరట లభించింది. గత రాత్రి నుంచి బుధవారం ఉదయం వరకు ఎడతెరిపి లేకుండా కురిసిన వర్షంతో వాతావరణం చల్లబడటంతో అందరూ సంతోషం వ్యక్తం చేస్తున్నారు. అయితే, ఈ వర్షం కారణంగా పట్టణంలో రోడ్లపై నీరు నిలిచిపోవడం, కాలువలు పొంగిపొర్లడంతో జనజీవనం కొంత స్తంభించింది.
గత కొన్ని రోజులుగా వర్షాలు లేక సతమతమవుతున్న ప్రజలకు, రైతులకు గత రాత్రి నుండి బుధవారం ఉదయం వరకు ఎడతెరిపి లేకుండా కురిసిన వర్షం ఊరటనిచ్చింది. ఈ వర్షంతో ప్రజలు, రైతులు హర్షం వ్యక్తం చేస్తున్నారు.
అయితే, వర్షం కారణంగా పట్టణంలోని రోడ్లపై నీరు నిలిచిపోవడం, మురికి కాలువలు పొంగిపొర్లడంతో పాదచారులు, వాహనదారులు, పాఠశాల పిల్లలు ఇబ్బందులు ఎదుర్కొన్నారు. ఖానాపూర్ పట్టణానికి, మైనార్టీ మోడల్ స్కూల్ మధ్యలో ప్రవహించే రెయిన్కొని వాగు ఉధృతంగా ప్రవహించడంతో రహదారులు స్తంభించిపోయాయి.
ఇంతకుముందు వేసిన తాత్కాలిక మరమ్మతులు, పైపులు వర్షానికి కొట్టుకుపోవడంతో ప్రస్తుతం ఆ ప్రాంతంలో నివసిస్తున్న కుటుంబాలు కూడా ఇబ్బందులు పడుతున్నాయి. ఏదేమైనా, వేడి వాతావరణం నుండి చల్లదనం రావడంతో ప్రజలు సంతోషం వ్యక్తం చేస్తున్నారు.
