సుప్రీంకోర్టుకు చేరిన తిరుమల లడ్డు వివాదం

1. తిరుమల లడ్డూ వివాదం సుప్రీం కోర్టుకు చేరింది.
2. సుబ్రహ్మణ్యస్వామి, వైవీ సుబ్బారెడ్డి కోర్టును ఆశ్రయించారు.
3. నెయ్యి కల్తీ, జంతు కొవ్వు ఆరోపణలపై విచారణ కోరారు.
4. ఏపీ ప్రభుత్వం సిట్‌ ఏర్పాటు ప్రకటన.

తిరుమల లడ్డూ వివాదం ఇప్పుడు సుప్రీం కోర్టు దాకా వెళ్లింది. నెయ్యి కల్తీ, జంతు కొవ్వు ఆరోపణలతో వివాదం దేశవ్యాప్తం కావడంతో, బీజేపీ నేత సుబ్రహ్మణ్యస్వామి, వైసీపీ నేత వైవీ సుబ్బారెడ్డి సుప్రీం కోర్టుకు పిటిషన్లు దాఖలు చేశారు. సమగ్ర విచారణ జరిపి నిజాలు బయటపెట్టాలని వారు కోరారు.

తిరుమల లడ్డూ వివాదం రోజురోజుకు ముదురుతోంది. విశ్వాసానికి ప్రతీకగా ఉన్న తిరుమల లడ్డూ ప్రసాదంలో నెయ్యి కల్తీ, జంతువుల కొవ్వు కలిపారన్న ఆరోపణలు దేశవ్యాప్తంగా తీవ్ర దుమారం రేపుతున్నాయి. దీనిపై సమగ్ర విచారణ జరిపి నిజాలు బయట పెట్టాలంటూ వివిధ రాజకీయ నేతలు, ఆధ్యాత్మికవేత్తలు డిమాండ్ చేస్తున్నారు. ఈ వివాదం సుప్రీంకోర్టుకు చేరింది. బీజేపీ నేత సుబ్రహ్మణ్యస్వామి, వైసీపీ నేత వైవీ సుబ్బారెడ్డి సుప్రీం కోర్టుకు పిటిషన్లు దాఖలు చేశారు.

సుబ్రహ్మణ్యస్వామి తన పిటిషన్‌లో సీఎం చంద్రబాబు చేసిన ఆరోపణలపై విచారణ కోరారు. ఆయన సుప్రీంకోర్టు పర్యవేక్షణలో విచారణ జరిపించాలని విజ్ఞప్తి చేశారు. వైవీ సుబ్బారెడ్డి సైతం విచారణను కోరుతూ పిటిషన్‌ దాఖలు చేశారు, దీనికి రిటైర్డ్ జడ్జి లేదా నిపుణులను నియమించాలని కోరారు. ఈ పిటీషన్లను స్వీకరించిన సుప్రీంకోర్టు, హైకోర్టు విచారణ చేపట్టనున్నాయి.