- సత్తెనపల్లి రూరల్ పోలీసుల దాడి.
- దూళిపాళ్ల జగనన్న కాలనీలో పేకాట స్థావరం.
- రూ. 7.57 లక్షలు నగదు స్వాధీనం.
- 13 మంది అరెస్ట్.
పల్నాడు జిల్లా సత్తెనపల్లి రూరల్ మండలంలోని దూళిపాళ్ల జగనన్న కాలనీలో పేకాట స్థావరంపై సత్తెనపల్లి రూరల్ పోలీసులు దాడి నిర్వహించారు. దాడిలో పేకాట రాయుళ్ల వద్ద నుంచి రూ. 7.57 లక్షలు స్వాధీనం చేసుకున్నారు. సుమారు 13 మందిని అరెస్ట్ చేసినట్లు సమాచారం.
పల్నాడు జిల్లా సత్తెనపల్లి పట్టణంలో పోలీసుల ప్రతిభతో మరో పేకాట స్థావరం వెలుగులోకి వచ్చింది. రూరల్ మండల పరిధిలోని దూళిపాళ్ల జగనన్న కాలనీలో పేకాట స్థావరంపై సత్తెనపల్లి రూరల్ పోలీసులు ఆకస్మిక దాడి నిర్వహించారు.
ఈ దాడిలో పేకాట రాయుళ్ల వద్ద నుంచి భారీ మొత్తంలో నగదు స్వాధీనం చేసుకున్నారు. మొత్తం రూ. 7,57,000 రూపాయలు నగదు, పేకాటకు ఉపయోగించే సామగ్రి పట్టుబడినట్లు పోలీసులు వెల్లడించారు. దాడిలో 13 మందిని అరెస్ట్ చేశారు.
సమాజాన్ని పేకాట ప్రభావం నుంచి రక్షించేందుకు పటిష్ట చర్యలు తీసుకుంటున్నామని, ఈ రకమైన దాడులు కొనసాగుతాయని సత్తెనపల్లి రూరల్ పోలీసులు తెలిపారు.
