సీఎంను కలిసిన రంగారెడ్డి జిల్లా గ్రంథాలయ సంస్థ ఛైర్మన్
M4 న్యూస్, రంగారెడ్డి జిల్లా ప్రతినిధి
అక్టోబర్ 11:
రంగారెడ్డి జిల్లా నూతన గ్రంథాలయ సంస్థ ఛైర్మన్ గా నియమితులైన ఎలుగంటి మధుసూదన్ రెడ్డి, గురువారం సీఎం రేవంత్ రెడ్డిని మర్యాదపూర్వకంగా కలుసుకొని పుష్పగుచ్ఛం అందజేశారు. తనపై నమ్మకం ఉంచి గ్రంథాలయ సంస్థ ఛైర్మన్ గా నియమించినందుకు కృతజ్ఞతలు తెలిపారు.
ఈ సందర్భంగా, మధుసూదన్ రెడ్డి మాట్లాడుతూ, జిల్లాలోని అన్ని గ్రంథాలయాలను అభివృద్ధి చేసేందుకు తన వంతు కృషి చేస్తానని చెప్పారు. ప్రభుత్వం ఈ పదవీ ఇవ్వడం సంతోషంగా ఉందని పేర్కొన్నారు.
మరియు, కష్టపడి ప్రజల మన్ననలు పొందుతూ వారికి సహాయం చేయడానికి తాను కృషి చేస్తానని, పేద ప్రజలకు ఎలాంటి కష్టం వచ్చినా, వెనువెంట ఉండి వారికి సాయపడేందుకు ముందుంటానని ఎలుగంటి మధుసూదన్ రెడ్డి తెలిపారు.
