వాస్తాపూర్‌లో బీఎల్‌ఏల పనితీరుపై కూచాడి శ్రీహరి రావు సమీక్ష

మామడ (మనోరంజని తెలుగు టైమ్స్) జూలై 26

నిర్మల్ నియోజకవర్గంలోని మామడ మండలం వాస్తాపూర్‌లో కాంగ్రెస్ పార్టీ నిర్మల్ నియోజకవర్గ ఇన్‌చార్జి కూచాడి శ్రీహరి రావు బూత్ స్థాయి ఏజెంట్ల పనితీరును సమీక్షించారు. ఓటరు జాబితా పరిశీలన, ఇంటింటి ఓటరు ధ్రువీకరణ, కొత్త ఓటర్ల నమోదు వంటి అంశాలపై ఆయన దృష్టి సారించారు.

నిర్మల్ నియోజకవర్గంలోని మామడ మండలానికి చెందిన మారుమూల గ్రామమైన వాస్తాపూర్‌లో కాంగ్రెస్ పార్టీ నిర్మల్ నియోజకవర్గ ఇన్‌చార్జి కూచాడి శ్రీహరి రావు బూత్ స్థాయి ఏజెంట్ల పనితీరును పరిశీలించారు. ఈ సందర్భంగా ఆయన మాట్లాడుతూ బీఎల్‌ఏలు ఓటరు జాబితాను క్షుణ్ణంగా పరిశీలించాలని, ఇంటింటి ఓటరు ధ్రువీకరణ చేపట్టాలని సూచించారు. అర్హులైన కొత్త ఓటర్లను నమోదు చేయడంతో పాటు ఓటరు జాబితాలో అవసరమైన మార్పులు, చేర్పుల ప్రక్రియను సమర్థవంతంగా నిర్వహించాలని తెలిపారు.

ఈ కార్యక్రమంలో తాండ్ర బీఎల్‌ఏ రాకేష్ గౌడ్, వాస్తాపూర్ సర్పంచ్ భూంరెడ్డి, వాస్తాపూర్ మాజీ సర్పంచ్ గంగారాం పటేల్ తదితరులు పాల్గొన్నారు.