జంతర్ మంతర్ లాఠీఛార్జికి నిరసన: ఖానాపూర్, కడెం మండలాల్లో పాఠశాలల బంద్

ఢిల్లీలోని జంతర్ మంతర్ వద్ద నిరసనకారులపై పోలీసులు లాఠీఛార్జ్ చేయడాన్ని నిరసిస్తూ నిర్మల్ జిల్లా ఖానాపూర్, కడెం మండలాల్లో యూత్ కాంగ్రెస్ ఆధ్వర్యంలో పాఠశాలలను మూసివేశారు. నీట్ పేపర్ లీకేజీకి కేంద్ర ప్రభుత్వమే బాధ్యత వహించాలని కాంగ్రెస్ నాయకులు డిమాండ్ చేశారు.

ఇటీవల ఢిల్లీలోని జంతర్ మంతర్ వద్ద నిరసన తెలుపుతున్న నిరుద్యోగులపై పోలీసులు లాఠీఛార్జ్ చేయడాన్ని నిరసిస్తూ నిర్మల్ జిల్లా ఖానాపూర్, కడెం మండలాల్లో యూత్ కాంగ్రెస్ ఆధ్వర్యంలో ప్రభుత్వ, ప్రైవేటు పాఠశాలలను నాయకులు మూసి వేయించారు. ఈ బంద్ లో పాఠశాలలు పాల్గొన్నాయి.

ఈ సందర్భంగా కాంగ్రెస్ నాయకులు మాట్లాడుతూ, నీట్ పేపర్ లీకేజీకి కేంద్ర ప్రభుత్వమే బాధ్యత వహించాలన్నారు. అంతేకాకుండా అన్ని కోణాల్లో దర్యాప్తు ముమ్మరం చేయాలని డిమాండ్ చేశారు. యువతపై లాఠీఛార్జ్ చేయడం దారుణమని, ఇప్పటికైనా కేంద్ర ప్రభుత్వం ఇలాంటి చర్యలు మానుకోవాలని హెచ్చరించారు.