నిర్మల్, 29 July
కేంద్ర మంత్రి ధర్మేంద్ర ప్రధాన్ రాజీనామా దేశ యువత, విద్యార్థుల ఐక్య పోరాటానికి నిదర్శనమని ఆదివాసి కాంగ్రెస్ నిర్మల్ జిల్లా చైర్మన్ బాణావత్ గోవింద్ నాయక్ అన్నారు. ప్రజాస్వామ్య వ్యవస్థలో ప్రజల స్వరం ఎంత శక్తివంతమో ఈ పరిణామం మరోసారి నిరూపించిందని ఆయన సోమవారం వ్యాఖ్యానించారు.
కేంద్ర మంత్రి ధర్మేంద్ర ప్రధాన్ రాజీనామా దేశ యువత, విద్యార్థుల ఐక్య పోరాటానికి నిదర్శనమని ఆదివాసి కాంగ్రెస్ నిర్మల్ జిల్లా చైర్మన్ బాణావత్ గోవింద్ నాయక్ అన్నారు. ప్రజాస్వామ్య వ్యవస్థలో ప్రజల స్వరం ఎంత శక్తివంతమో ఈ పరిణామం మరోసారి నిరూపించిందని ఆయన సోమవారం వ్యాఖ్యానించారు.
విద్యార్థుల సమస్యలను నిర్లక్ష్యం చేస్తూ, వారి భవిష్యత్తుతో చెలగాటమాడే విధానాలను దేశ యువత ఎప్పటికీ సహించబోదని గోవింద్ నాయక్ అన్నారు. యువత ఆవేదన, విద్యార్థి సంఘాల ఆందోళనలను కాంగ్రెస్ పార్టీ చేపట్టిన నిరంతర పోరాటాల ఫలితంగానే కేంద్ర ప్రభుత్వం ఒత్తిడికి లోనై ఈ నిర్ణయం తీసుకోవాల్సి వచ్చిందని ఆయన పేర్కొన్నారు.
ప్రజాస్వామ్యంలో అధికార అహంకారానికి స్థానం లేదని, ప్రజల అభిప్రాయాన్ని గౌరవించని ఏ ప్రభుత్వం అయినా ప్రజల తీర్పు ముందు తలవంచక తప్పదని అన్నారు. విద్యార్థుల హక్కులు, విద్యా రంగ అభివృద్ధి కోసం కాంగ్రెస్ పార్టీ ఎప్పటికప్పుడు పోరాడుతుందని ఆయన స్పష్టం చేశారు.
గతంలో కూడా మోడీ ప్రభుత్వం రైతుల ప్రయోజనాలకు వ్యతిరేకంగా తీసుకువచ్చిన మూడు నల్ల వ్యవసాయ చట్టాలను రైతులు తీవ్రంగా వ్యతిరేకిస్తూ దేశవ్యాప్తంగా ఉద్యమించారని, రైతుల ఐక్య పోరాటం ముందు చివరకు కేంద్ర ప్రభుత్వం ఆ చట్టాలను వెనక్కి తీసుకోవాల్సి వచ్చిందని ఆయన గుర్తు చేశారు.
