ఆదిలాబాద్, జూన్ 29
పేదరికాన్ని అధిగమించి పట్టుదలతో చదివి పీహెచ్డీ పట్టా అందుకున్న మేడిగూడ యువకుడు బన్సుడే రాహుల్ అందరికీ ఆదర్శంగా నిలిచారు. ఆదిలాబాద్ జిల్లా గాదిగూడ మండలం మేడిగూడ గ్రామానికి చెందిన రాహుల్ రాజనీతి శాస్త్ర విభాగంలో డాక్టరేట్ సాధించారు. వ్యవసాయ కూలీ కుటుంబంలో జన్మించిన రాహుల్ ప్రభుత్వ వసతి గృహాల్లో ఉంటూ విద్యనభ్యసించారు.
పేదరికం అడ్డంకిగా మారినా పట్టుదలతో ముందుకు సాగి ఉన్నత లక్ష్యాన్ని చేరుకున్న మేడిగూడ యువకుడు బన్సుడే రాహుల్ అందరికీ ఆదర్శంగా నిలిచారు. ఆదిలాబాద్ జిల్లా గాదిగూడ మండలం మేడిగూడ గ్రామానికి చెందిన రాహుల్ రాజనీతి శాస్త్ర విభాగంలో పీహెచ్డీ పట్టా సాధించారు.
నిరుపేద కుటుంబంలో జన్మించిన రాహుల్ తండ్రి బన్సుడే సిద్ధార్థ్ వ్యవసాయ కూలీగా పనిచేస్తూ కుటుంబాన్ని పోషించారు. చిన్ననాటి నుంచే ప్రభుత్వ వసతి గృహాల్లో ఉంటూ చదువుకున్న రాహుల్ కష్టాలను అధిగమించి విద్యలో రాణించారు.
2022లో పీహెచ్డీ పరిశోధనలో ప్రవేశించిన ఆయన సిక్కిం ఆల్పైన్ విశ్వవిద్యాలయానికి చెందిన డాక్టర్ సునీత్ కాశివ్ పర్యవేక్షణలో “తెలంగాణలోని ఆదిలాబాద్ జిల్లాలో గిరిజన వర్గాల్లో రాజకీయ చైతన్యాన్ని పెంపొందించడంలో విద్య, మాధ్యమాల పాత్ర” అనే అంశంపై పరిశోధన పూర్తి చేసి డాక్టరేట్ పట్టా అందుకున్నారు.
ప్రస్తుతం ఉట్నూర్ ప్రభుత్వ డిగ్రీ కళాశాలలో రాజనీతి శాస్త్ర విభాగంలో అతిథి అధ్యాపకుడిగా సేవలందిస్తున్న రాహుల్ తన గ్రామానికి, జిల్లాకు గౌరవాన్ని తీసుకొచ్చారు.
కష్టాలు ఎదురైనా చదువుపై పట్టుదల, కృషి ఉంటే లక్ష్యాన్ని చేరుకోవచ్చని రాహుల్ విజయంతో నిరూపించారని గ్రామస్తులు, విద్యావేత్తలు, ప్రజాప్రతినిధులు అభినందించారు.
