కామారెడ్డి, 2023-08-30
కామారెడ్డి జిల్లా సాబ్దిపూర్ పరిధిలో కొంతకాలంగా టిప్పర్ల ద్వారా మొరం అక్రమంగా తరలిస్తున్నారని గ్రామస్థులు తీవ్ర ఆరోపణలు చేస్తున్నారు. సుమారు నాలుగు టిప్పర్లతో మొరం రవాణా జరుగుతున్నప్పటికీ సంబంధిత అధికారులు పట్టించుకోవడం లేదని వారు ఆవేదన వ్యక్తం చేస్తున్నారు.
కామారెడ్డి జిల్లా సాబ్దిపూర్ పరిధిలో కొంతకాలంగా టిప్పర్ల ద్వారా మొరం అక్రమంగా తరలిస్తున్నారని గ్రామస్థులు తీవ్ర ఆరోపణలు చేస్తున్నారు. సుమారు నాలుగు టిప్పర్లతో మొరం రవాణా జరుగుతున్నప్పటికీ సంబంధిత అధికారులు పట్టించుకోవడం లేదని వారు ఆవేదన వ్యక్తం చేస్తున్నారు. ఈ వ్యవహారంపై రెవెన్యూ అధికారులు, దేవునిపల్లి పోలీసులు వెంటనే దృష్టి సారించి తనిఖీలు నిర్వహించాలని గ్రామస్థులు కోరుతున్నారు.
సేన నాయక్ అనే వ్యక్తి రాజకీయ అండదండలతో ఈ మొరం తరలింపును కొనసాగిస్తున్నారని గ్రామస్థులు ఆరోపిస్తున్నారు. మొరం తరలింపునకు అవసరమైన అనుమతులు, పర్మిట్లు ఉన్నాయా నిబంధనలకు అనుగుణంగానే రవాణా జరుగుతోందా అనే అంశాలను క్షుణ్ణంగా పరిశీలించాలని వారు డిమాండ్ చేస్తున్నారు. నిబంధనలకు విరుద్ధంగా మొరం తరలిస్తున్నట్లు తేలితే, బాధ్యులపై కఠిన చర్యలు తీసుకోవాలని గ్రామస్థులు కోరుతున్నారు.
జిల్లా కలెక్టర్, ఎస్పీ ఈ వ్యవహారంపై తక్షణమే దృష్టి సారించి సమగ్ర విచారణ చేపట్టాలని గ్రామస్థులు విజ్ఞప్తి చేస్తున్నారు. ఈ ఆరోపణలపై సంబంధిత అధికారులు స్పందించాల్సి ఉంది. టిప్పర్లకు అనుమతులు ఉన్నాయా అనే విషయంపై అధికారులు స్పష్టత ఇవ్వాల్సి ఉంది. అధికారులు స్పందించి, అక్రమ రవాణాను అడ్డుకుంటారని గ్రామస్థులు ఆశిస్తున్నారు.
