ఆర్టీసీ కార్మికుల సమస్యల పరిష్కారానికి కాంగ్రెస్ ప్రభుత్వంపై మాజీ మంత్రి వనమా ఒత్తిడి

కొత్తగూడెం ఆర్టీసీ డిపో వద్ద మాజీ మంత్రి వనమా వెంకటేశ్వరరావు, వనమా రాఘవ ఆధ్వర్యంలో బీఆర్ఎస్ పార్టీ నాయకులు, కార్యకర్తలు భారీ ఎత్తున ధర్నా నిర్వహించారు. ఆర్టీసీ కార్మికుల న్యాయమైన డిమాండ్లను ప్రభుత్వం వెంటనే నెరవేర్చాలని వారు కోరారు.

ఈ సందర్భంగా వనమా మాట్లాడుతూ, ఆత్మహత్య చేసుకున్న ఆర్టీసీ కార్మికుడు శంకర్ గౌడ్ మృతి ప్రభుత్వ హత్య అని ఆరోపించారు. కార్మికుల సమ్మెకు మద్దతుగా రాష్ట్రవ్యాప్తంగా 60 లక్షల మంది బీఆర్ఎస్ శ్రేణులు ఆందోళనకు సిద్ధంగా ఉన్నారని తెలిపారు.

ధర్నాలో మాజీ మున్సిపల్ చైర్ పర్సన్ కాపు సీతాలక్ష్మి, మాజీ రైతు సమన్వయ అధ్యక్షులు కిలారు నాగేశ్వరరావు, మాజీ మున్సిపల్ వైస్ చైర్మన్ దామోదర్, పలువురు మండల అధ్యక్షులు, విద్యార్థి నాయకులు, మహిళా నాయకురాళ్లు తదితరులు పాల్గొన్నారు. సమస్యలను వెంటనే పరిష్కరించాలని వారు ప్రభుత్వానికి విజ్ఞప్తి చేశారు.

ఆర్టీసీ కార్మికుల సమస్యలపై ప్రభుత్వం స్పందించకపోతే, నియోజకవర్గంలో ఆందోళనలను మరింత ఉధృతం చేస్తామని వనమా హెచ్చరించారు. కార్మికులకు న్యాయం జరిగేంత వరకు తమ పోరాటం కొనసాగుతుందని ఆయన స్పష్టం చేశారు.