మిర్యాలగూడ నియోజకవర్గంలో జూన్ 2న తెలంగాణ రాష్ట్ర ఆవిర్భావ దినోత్సవ వేడుకలను ఘనంగా నిర్వహించేందుకు ఏర్పాట్లు జరుగుతున్నాయి. ఈ సందర్భంగా పలువురు మహనీయుల విగ్రహాలను ఆవిష్కరించనున్నారు.
ఎమ్మెల్యే బత్తుల లక్ష్మారెడ్డి (బిఎల్ఆర్) ఆదేశాల మేరకు, జూన్ 2న ఉదయం 8 గంటలకు ఎమ్మెల్యే క్యాంప్ కార్యాలయంలో జాతీయ జెండా ఆవిష్కరణతో వేడుకలు ప్రారంభమవుతాయి. అదేవిధంగా, కాంగ్రెస్ పార్టీ ఆధ్వర్యంలో పట్టణంలోని రాజీవ్ భవన్ లో కూడా జెండా ఆవిష్కరణ కార్యక్రమం నిర్వహించబడుతుంది.
ఉదయం 10:30 గంటలకు మిర్యాలగూడ పట్టణంలోని ఎన్టీఆర్ మున్సిపల్ కాంప్లెక్స్ లో డాక్టర్ బి.ఆర్. అంబేద్కర్, మహాత్మా గాంధీ, జ్యోతిరావు పూలే విగ్రహాలను ఆవిష్కరించనున్నారు. ఈ కార్యక్రమంలో ఎమ్మెల్సీ శంకర్ నాయక్ పాల్గొంటారని సమాచారం.
ఈ వేడుకలకు నియోజకవర్గంలోని కాంగ్రెస్ నాయకులు, ప్రజాప్రతినిధులు, వివిధ సంఘాల ప్రతినిధులు, ప్రజలు అధిక సంఖ్యలో తరలివచ్చి విజయవంతం చేయాలని ఎమ్మెల్యే పిలుపునిచ్చారు. ఇది నియోజకవర్గ ఐక్యతను చాటి చెప్పే అవకాశమని ఆయన అభిప్రాయపడ్డారు.
అన్ని వర్గాల ప్రజలు పాల్గొని, ఆవిర్భావ దినోత్సవ వేడుకలను స్ఫూర్తిదాయకంగా నిర్వహించాలని కోరారు.
