బీసీ బాలుర హాస్టల్‌లో ఎంపీడీఓ తనిఖీ.. విద్యార్థులతో భోజనం

లోకేశ్వరం మండల కేంద్రంలోని బీసీ బాలుర హాస్టల్‌ను మండల పంచాయతీ అధికారి సల్మాన్ రాజ్ శనివారం ఆకస్మికంగా సందర్శించారు. విద్యార్థులకు అందిస్తున్న భోజనం, తాగునీరు, వసతి, పరిశుభ్రత, వంటశాల నిర్వహణ వంటి అంశాలను ఆయన క్షుణ్ణంగా తనిఖీ చేశారు.

లోకేశ్వరం మండల కేంద్రంలోని బీసీ బాలుర హాస్టల్‌ను మండల పంచాయతీ అధికారి సల్మాన్ రాజ్ శనివారం ఆకస్మికంగా సందర్శించి హాస్టల్ నిర్వహణను పరిశీలించారు. విద్యార్థులకు అందుతున్న భోజనం, తాగునీరు, వసతి, పరిశుభ్రత, వంటశాల నిర్వహణ, మెనూ అమలు తదితర అంశాలను క్షుణ్ణంగా తనిఖీ చేశారు.

అనంతరం విద్యార్థులతో కలిసి భోజనం చేసి, వారికి అందిస్తున్న ఆహారం నాణ్యతను స్వయంగా పరిశీలించారు. భోజనం రుచి, నాణ్యత, మెనూ అమలు గురించి విద్యార్థులను అడిగి తెలుసుకున్నారు. విద్యార్థులకు నాణ్యమైన, పోషకాహారం అందించాలని హాస్టల్ సిబ్బందికి సూచించారు.

ఈ సందర్భంగా హాస్టల్ వార్డెన్ శ్రీధర్ కు పలు సూచనలు చేస్తూ, హాస్టల్‌ను పరిశుభ్రంగా ఉంచాలని, విద్యార్థుల ఆరోగ్యం, విద్యాభ్యాసానికి అనుకూల వాతావరణం కల్పించాలని ఆదేశించారు. విద్యార్థుల సమస్యలను ఎప్పటికప్పుడు తెలుసుకుని వెంటనే పరిష్కరించాలని పేర్కొన్నారు.

ఈ కార్యక్రమంలో బీసీ హాస్టల్ వార్డెన్ శ్రీధర్, ఫీల్డ్ అసిస్టెంట్ అంబకంటి శ్రీనివాస్ తదితరులు పాల్గొన్నారు. విద్యార్థుల సంక్షేమం కోసం హాస్టళ్లలో ఇలాంటి ఆకస్మిక తనిఖీలు కొనసాగుతాయని మండల పంచాయతీ అధికారి తెలిపారు.