కుంటాల యువకులు మార్నింగ్ వాక్‌తో ఆరోగ్యంపై అవగాహన కల్పిస్తున్నారు

కుర్ర నవీన్, రాజారాం గజ్జారాం, గుద్దేటి గంగయ్య, బోనగిరి రమేష్, కొండన్నగారి కృష్ణారావు, గుద్దేటి చిన్నా (గంగయ్య), పొట్ట శ్రీధర్, తేలు మహేష్, గడ్డం గజేందర్ వంటి యువకులు ప్రతిరోజూ తెల్లవారుజామున నడకను తమ దినచర్యలో భాగంగా చేసుకున్నారు. మొబైల్ ఫోన్ల వాడకం, నిశ్చల జీవనశైలి వంటి వాటికి అలవాటు పడుతున్న ప్రస్తుత తరుణంలో, ఆరోగ్యాన్ని కాపాడుకోవడానికి మార్నింగ్ వాక్ అత్యంత ఆవశ్యకమని వీరు సూచిస్తున్నారు.

ప్రతిరోజూ ఉదయం నడవడం వల్ల గుండె ఆరోగ్యం మెరుగుపడుతుందని, శరీర దారుఢ్యం పెరిగి, మానసిక ప్రశాంతత లభిస్తుందని యువకులు తెలిపారు. మార్నింగ్ వాక్ ద్వారా రక్త ప్రసరణ సక్రమంగా జరిగి, శరీరానికి ఉత్సాహం పెరుగుతుందని వారు పేర్కొన్నారు. ఇది శారీరక, మానసిక ఆరోగ్యానికి దోహదపడుతుందని వివరించారు.

అంతేకాకుండా, నిత్యం నడవడం ద్వారా షుగర్, బీపీ, ఊబకాయం వంటి దీర్ఘకాలిక వ్యాధులను దూరం చేసుకోవచ్చని, శరీరంలో రోగనిరోధక శక్తిని పెంచుకోవచ్చని వారు తెలిపారు. కనీసం రోజుకు అరగంట పాటు నడక అలవాటు చేసుకుంటే ఆరోగ్యంగా ఉండవచ్చని యువతకు పిలుపునిచ్చారు.

“మన ఆరోగ్యం మన చేతుల్లోనే ఉంది… ప్రతి రోజు ఉదయం నడవండి – ఆరోగ్యంగా జీవించండి” అనే నినాదంతో కుంటాల మండల కేంద్రంలోని యువకులు ఆరోగ్యంపై అవగాహన కల్పిస్తున్నారు. వారి ఆరోగ్యంపై చూపుతున్న చొరవ పలువురి ప్రశంసలు అందుకుంటోంది.