2 వేల మందితో తెలంగాణ డిజాస్టర్‌ రెస్పాన్స్‌ ఫోర్స్‌ (DRF) ఏర్పాటు.
డీఆర్‌ఎఫ్‌ ఏర్పాటు కోసం సెక్రటేరియట్‌ లో సీఎస్‌ శాంతి కుమారి సమీక్ష.
నవంబర్ మొదటి వారంలో DRF సిబ్బందికి ట్రైనింగ్ ప్రారంభం.
తెలంగాణలో 2 వేల మందితో డిజాస్టర్‌ రెస్పాన్స్‌ ఫోర్స్‌ ఏర్పాటు చేస్తున్నట్లు సీఎస్‌ శాంతి కుమారి తెలిపారు. సీఎం రేంవత్ రెడ్డి ఆదేశాల మేరకు ఫైర్‌ డిపార్ట్‌మెంట్‌, స్పెషల్‌ పోలీస్‌ బెటాలియన్‌ సిబ్బందిని ఉపయోగించి డీఆర్‌ఎఫ్‌ ఏర్పాటు చేయాలని నిర్ణయించారు. నవంబర్ మొదటి వారంలో DRF సిబ్బందికి ట్రైనింగ్ ప్రారంభమవుతుంది.
తెలంగాణ రాష్ట్రంలో ప్రజలకు సహాయం చేయడానికి మరియు విపత్తుల సమయంలో తక్షణ స్పందన అందించడానికి 2 వేల మందితో డిజాస్టర్‌ రెస్పాన్స్‌ ఫోర్స్‌ (DRF) ఏర్పాటు చేయనున్నట్లు ముఖ్య కార్యదర్శి (సీఎస్‌) శాంతి కుమారి తెలిపారు. డీఆర్‌ఎఫ్‌ ఏర్పాటుపై మంగళవారం సెక్రటేరియట్‌లో డీజీపీ జితేందర్‌, డిజాస్టర్‌ మేనేజ్‌మెంట్‌ స్పెషల్‌ సీఎస్‌, మరియు ఇతర ఉన్నతాధికారులతో సమీక్ష నిర్వహించారు.
సీఎస్‌ మాట్లాడుతూ ఇటీవల కురిసిన భారీ వర్షాలతో రాష్ట్రంలోని అనేక ప్రాంతాలు నీట మునిగి ప్రజలు ఇబ్బందులు ఎదుర్కొన్నారని పేర్కొన్నారు. ఈ నేపథ్యంలో ముఖ్యమంత్రి రేంవత్ రెడ్డి ఆదేశాల మేరకు డీఆర్‌ఎఫ్‌ ఏర్పాటుకు పది కంపెనీల సిబ్బందిని నియమించాలని నిర్ణయించారు.
DRF సిబ్బందికి అవసరమైన ట్రైనింగ్ నవంబర్ మొదటి వారంలో ప్రారంభం అవుతుందని, రెస్క్యూ ఆపరేషన్లకు అవసరమైన వాహనాలు, పరికరాలు, మరియు రక్షణ పరికరాలను సేకరించేందుకు చర్యలు చేపడతారని శాంతి కుమారి తెలిపారు. ఈ సమావేశంలో ఫైర్‌ సర్వీసెస్‌ డీజీ నాగిరెడ్డి, వివిధ శాఖల ఉన్నతాధికారులు పాల్గొన్నారు.
