సారంగాపూర్, జులై 23
ప్రతి ఇంటిలో ఇంకుడు గుంతను తప్పనిసరిగా నిర్మించుకోవాలని ఎంపీడీవో లక్ష్మీకాంతారావు, ఎంపిఓ అజీజ్ ఖాన్ లు సూచించారు. గురువారం నిర్మల్ జిల్లా, సారంగాపూర్ మండలంలోని వివిధ గ్రామాల్లో వికసిత్ భారత్ - రోజ్గార్ మరియు ఆజీవికా మిషన్ గ్రామీణ పథకం కింద నీటి సంరక్షణ నిర్మాణ పనులను ప్రారంభించారు.
ప్రతి ఇంటిలో ఇంకుడు గుంతను తప్పనిసరిగా నిర్మించుకోవాలని ఎంపీడీవో లక్ష్మీకాంతారావు, ఎంపిఓ అజీజ్ ఖాన్ లు సూచించారు. గురువారం నిర్మల్ జిల్లా, సారంగాపూర్ మండలంలోని గోపాల్ పెట్, స్వర్ణ, బీరవెల్లి, రామ్ సింగ్ తండా గ్రామాల్లో వికసిత్ భారత్ - రోజ్గార్ మరియు ఆజీవికా మిషన్ గ్రామీణ పథకం కింద 'వర్షపు బొట్టు ఒడిసిపట్టు' నినాదంతో జలశ్రీ - నీటి సంరక్షణ నిర్మాణాలు చేపట్టారు.
ఈ పథకంలో భాగంగా వ్యవసాయ భూముల్లో నీటి గుంటలు, గ్రామాల్లో కుటుంబానికి ఒక ఇంకుడు గుంత, ప్రతి ఊరిలో ఊట కుంట, చేతి పంపు వద్ద ఇంకుడు గుంతలు, మురికి కాలువల చివరన ఇంకుడు గుంతల నిర్మాణ పనులను మార్కోట్ ఇచ్చి ప్రారంభించారు. ప్రభుత్వ పథకాన్ని సద్వినియోగం చేసుకోవాలని ఈ సందర్భంగా వారు కోరారు.
ఈ కార్యక్రమంలో సర్పంచ్లు గంగారెడ్డి, మల్లేష్, గంగవ్వ, రజిత, వార్డు సభ్యులు, పంచాయతీ కార్యదర్శులు, ఉపాధి సిబ్బంది, గ్రామస్థులు, రైతులు పాల్గొన్నారు.
