రాహుల్ అరెస్టును ఖండిస్తూ ఖానాపూర్‌లో కాంగ్రెస్ ధర్నా

నీట్ పేపర్ లీక్ ఘటనకు నిరసనగా ఢిల్లీలో కాంగ్రెస్ నిర్వహించిన ఆందోళనలో రాహుల్ గాంధీని అరెస్టు చేయడాన్ని ఖండిస్తూ నిర్మల్ జిల్లా ఖానాపూర్ మండల కేంద్రంలో కాంగ్రెస్ నాయకులు గురువారం జగన్నాథ్ చౌక్‌లో ధర్నా చేపట్టారు. కేంద్ర ప్రభుత్వ తీరుపై వారు తీవ్రంగా మండిపడ్డారు.

నీట్ పేపర్ లీక్ ఘటనకు సంబంధించి ఢిల్లీలో కాంగ్రెస్ పార్టీ చేపట్టిన ఆందోళన సందర్భంగా ప్రతిపక్ష నేత రాహుల్ గాంధీని అరెస్టు చేయడాన్ని నిరసిస్తూ నిర్మల్ జిల్లా ఖానాపూర్ మండల కేంద్రంలోని జగన్నాథ్ చౌక్‌లో కాంగ్రెస్ నాయకులు గురువారం ధర్నా నిర్వహించారు.

కేంద్ర ప్రభుత్వ తీరును ఖండిస్తూ నాయకులు నినాదాలు చేశారు. ప్రజాస్వామ్యాన్ని పరిరక్షించాలని, ప్రతిపక్ష నాయకులపై కక్షసాధింపు చర్యలు మానుకోవాలని డిమాండ్ చేశారు.

ఈ కార్యక్రమంలో కాంగ్రెస్ మండల అధ్యక్షుడు జంగిల్ శంకర్, పట్టణ అధ్యక్షుడు గొర్రె గంగాధర్, ఆత్మ చైర్మన్ తోట సత్యం, సీనియర్ నాయకుడు నేత శ్యామ్, సర్పంచ్ చింతల మల్లేష్, కాంగ్రెస్ నాయకులు అంకం రాజేందర్, అమనుల్లా ఖాన్ (మాజీ మార్కెట్ కమిటీ చైర్మన్), కే. గంగ నరసయ్య, జహీర్తో పాటు మండల నాయకులు, కార్యకర్తలు పాల్గొన్నారు.