ఘనంగా కృష్ణాష్టమి వేడుకలు

ఘనంగా కృష్ణాష్టమి వేడుకలు , : మండల కేంద్రంలోని హిందూ ధర్మశాలలో శ్రీకృష్ణాష్టమి వేడుకలు ఘనంగా నిర్వహించారు. వీడీసీ కమిటీ ఆధ్వర్యంలో బాల బలరామకృష్ణుల వేషధారణలో ఉన్న చిన్నారులను ఆటోపై వీధి వీధినా ఊరేగించారు. అనంతరం గాంధీ చౌక్ లో ఉట్టి కొట్టే కార్యక్రమాన్ని నిర్వహించారు. ఈ కార్యక్రమంలో వడ్డీ రాజులు ఉట్టిని కొట్టి బహుమతిని అందుకున్నారు. ఈ ఉల్లాసమైన కార్యక్రమాన్ని ప్రజలు పెద్ద సంఖ్యలో ఆసక్తిగా తిలకించారు. ఈ వేడుకల్లో వీడీసీ కమిటీ సభ్యులు, గ్రామ పెద్దలు, యువకులు, భక్తులు పాల్గొన్నారు.