నిర్మల్ జిల్లా, సారంగాపూర్ మండలంలోని జాం గ్రామంలో సర్పంచ్ కరిపే రవళి అధ్యక్షతన గ్రామ సభ నిర్వహించారు. ఈ సమావేశంలో పలు అభివృద్ధి కార్యక్రమాలకు సంబంధించిన తీర్మానాలు చేశారు.
ప్రజల వద్దకే ప్రజా పాలన అందించే లక్ష్యంతో, మార్నింగ్ వాక్ కార్యక్రమాన్ని చేపట్టి ప్రజల సమస్యలను పరిష్కరించాలని గ్రామ పంచాయతీ ఈ సమావేశంలో నిర్ణయించింది.
గ్రామ సభలో తీసుకున్న నిర్ణయాలు గ్రామ అభివృద్ధికి దోహదపడతాయని అధికారులు తెలిపారు. ప్రజల భాగస్వామ్యంతో సమస్యల పరిష్కారం దిశగా అడుగులు వేస్తామని సర్పంచ్ పేర్కొన్నారు.
ఈ కార్యక్రమానికి పంచాయతీ సెక్రటరీ నరేష్, ఉపసర్పంచ్ గంగాధర్, వార్డ్ సభ్యులు, వివిధ శాఖల అధికారులు హాజరయ్యారు. అందరి సహకారంతో గ్రామాన్ని అభివృద్ధి చేస్తామని అధికారులు తెలిపారు.
