భైంసా, 2024-06-05
నిర్మల్ జిల్లా భైంసాలో ఆటో డ్రైవర్గా పనిచేస్తున్న రాజశేఖర్, తన మానవత్వంతో ఆపదలో ఉన్నవారికి అండగా నిలుస్తున్నారు. ఇప్పటివరకు 24 సార్లు రక్తదానం చేసిన ఆయన, తాజాగా మరోసారి ప్రాణదాతగా నిలిచారు.
ఆపదలో ఉన్నవారికి ప్రాణం పోసేందుకు ముందుకు వస్తున్న సామాన్యుడైన ఆటో డ్రైవర్, నిర్మల్ జిల్లా భైంసా నేతాజీ నగర్ వాసి అయిన రాజశేఖర్ గారు, ఇప్పటివరకు 24 సార్లు రక్తదానం చేసి, ఇంకా చేస్తూనే ఉన్నారు.
ఆపన్నహస్తం
ఈరోజు భైంసాలోని సాక్షి హాస్పిటల్లో నవనీత అనే మహిళకు ఆపరేషన్ నిమిత్తం రక్తం అవసరమని వైద్యులు కుటుంబ సభ్యులకు సూచించారు. అప్పటికప్పుడు రక్తం కోసం ఆందోళన చెందుతున్న కుటుంబ సభ్యులకు, ఐక్యతసేవ సమితి ద్వారా సమాచారం తెలుసుకున్న ఆటో డ్రైవర్ రాజశేఖర్ అక్కడికి వెళ్లి, తాను రక్తం ఇవ్వడానికి సిద్ధంగా ఉన్నానని భరోసా ఇచ్చారు.
రక్తదానం
అనంతరం బ్లడ్ బ్యాంకుకు వెళ్లి రక్తదానం చేశారు. ఆపదలో ఉన్నవారికి సకాలంలో రక్తాన్ని అందిస్తూ రాజశేఖర్ తన మానవత్వాన్ని చాటుకుంటున్నారు.
