- కోఠి మహిళా కళాశాలకు చాకలి ఐలమ్మ పేరు
- చాకలి ఐలమ్మ మనవరాలు శ్వేతకు తెలంగాణ మహిళా కమిషన్ సభ్యత్వం
- చాకలి ఐలమ్మ జీవిత చరిత్ర నృత్య రూపకం ప్రదర్శన
తెలంగాణ సీఎం రేవంత్ రెడ్డి కోఠి మహిళా కళాశాలకు చాకలి ఐలమ్మ పేరు పెట్టనున్నట్టు ప్రకటించారు. చాకలి ఐలమ్మ పోరాట స్ఫూర్తిని కొనియాడుతూ, ఆమె మనవరాలు శ్వేతను తెలంగాణ మహిళా కమిషన్ సభ్యురాలిగా నియమిస్తామని తెలిపారు. రవీంద్రభారతిలో జరిగిన ఐలమ్మ జీవిత చరిత్ర ఆధారిత నృత్య రూపకం ప్రశంసలందుకుంది.
రంగారెడ్డి జిల్లా రవీంద్రభారతిలో తెలంగాణ ముఖ్యమంత్రి రేవంత్ రెడ్డి చాకలి ఐలమ్మ పోరాట స్ఫూర్తిని గౌరవిస్తూ, కోఠి మహిళా కళాశాలకు చాకలి ఐలమ్మ పేరు పెడతామని ప్రకటించారు. అలాగే, చాకలి ఐలమ్మ మనవరాలు చిట్యాల శ్వేతను తెలంగాణ మహిళా కమిషన్ సభ్యురాలిగా నియమిస్తామని హర్షద్వానాల మధ్య వెల్లడించారు. ఈ కార్యక్రమంలో తెలంగాణ ప్రజల పోరాట స్ఫూర్తిని, చాకలి ఐలమ్మ జీవిత చరిత్రను సాంప్రదాయ కూచిపూడి, జానపద శైలిలో డాక్టర్ అలేఖ్య పుంజాల బృందం నృత్య రూపకం ప్రదర్శించింది.
ఈ కార్యక్రమంలో తెలంగాణ ఉప ముఖ్యమంత్రి మల్లు భట్టి విక్రమార్క, పలు మంత్రులు, ఎమ్మెల్యేలు, సాంస్కృతిక నాయకులు పాల్గొన్నారు. చాకలి ఐలమ్మ జీవిత స్ఫూర్తి ఆధారంగా రూపొందించిన ఈ నృత్య రూపకాన్ని తిలకించి, ముఖ్య అతిథిగా విచ్చేసిన ముఖ్యమంత్రి రేవంత్ రెడ్డి అభినందనలు తెలిపారు. చాకలి ఐలమ్మ స్ఫూర్తితోనే భూ సంస్కరణలు, పేదల భూముల రక్షణపై చర్యలు తీసుకుంటున్నామని సీఎం తెలిపారు.
