బంగ్లాదేశ్ మాజీ ప్రధానమంత్రి షేక్ హసీనా పై అరెస్టు వారెంట్

M4News
తేదీ: అక్టోబర్ 17, 2024
ప్రాంతం: హైదరాబాద్

• బంగ్లాదేశ్ ఇంటర్నేషనల్ క్రైమ్స్ ట్రైబ్యునల్ (ICT) షేక్ హసీనా పై అరెస్ట్ వారెంట్ జారీ.
• మరో 45 మంది అవామీ లీగ్ నాయకుల పై కూడా వారెంట్.
• 2024, నవంబర్ 18 లోపుగా హసీనాను అరెస్ట్ చేయాలని ICT ఆదేశించింది.

బంగ్లాదేశ్ మాజీ ప్రధాని షేక్ హసీనా పై అరెస్ట్ వారెంట్ జారీ అయింది. ఇంటర్నేషనల్ క్రైమ్స్ ట్రైబ్యునల్ ఈ వారెంట్ ఇచ్చింది. ఆమెతో పాటు మరో 45 మందిపై కూడా ఈ వారెంట్ ఉంది. రిజర్వేషన్లపై జరిగిన నిరసనలు హింసాత్మకంగా మారడంతో, హసీనా పదవి నుంచి వైదొలిగారు.

హైదరాబాద్: బంగ్లాదేశ్ మాజీ ప్రధానమంత్రి షేక్ హసీనా పై అరెస్టు వారెంట్ జారీ అయింది. బంగ్లాదేశ్ ఇంటర్నేషనల్ క్రైమ్స్ ట్రైబ్యునల్ (ICT) ఈ వారెంట్ ఇచ్చింది. 2024, నవంబర్ 18 లోపుగా ఆమెను అరెస్ట్ చేసి ట్రైబ్యునల్ ఎదుట హాజరుపరచాలని ఆదేశించింది.

హసీనాతో పాటు మరో 45 మంది అవామీ లీగ్ పార్టీ నాయకుల పై కూడా ఈ వారెంట్ జారీ అయింది. రిజర్వేషన్లపై విద్యార్థుల నిరసనలు హింసాత్మకంగా మారడంతో షేక్ హసీనా తన పదవి నుంచి వైదొలిగారు. అనంతరం ఆమె బంగ్లాదేశ్ నుండి దిల్లీకి చేరుకున్నారు.

జులై 15 నుండి ఆగస్టు 5 వరకు జరిగిన హింసాత్మక ఘటనలకు సంబంధించి హసీనాకు వ్యతిరేకంగా ఐసీటీకి ఫిర్యాదులు అందాయి. వాటిపై దర్యాప్తు జరగడంతో ప్రాసిక్యూషన్ ట్రైబ్యునల్ లో ఆమెను బంగ్లాదేశ్ కు రప్పించాలని రెండు పిటిషన్లు దాఖలు చేయబడ్డాయి. దీంతో ట్రైబ్యునల్ ఛైర్మన్ జస్టిస్ మహమ్మద్ గోలం మోర్తుజా మజుందార్ అరెస్ట్ వారెంట్ జారీ చేశారు.