తేదీ: 11-02-2025 | ప్రాంతం: బోధన్, నిజామాబాద్ జిల్లా
- పట్టపగలు బోధన్‌లో చీరల వ్యాపారస్తురాలి ఇంట్లో చోరీ
- మహిళ బుర్కా ధరించి చీరలు కొనుగోలు చేసే నటన
- కారం పొడి చల్లి, కత్తితో బెదిరించి బంగారు గొలుసు లాక్కునేందుకు ప్రయత్నం
- స్థానికులు దొంగను పట్టుకొని పోలీసులకు అప్పగింపు
నిజామాబాద్ జిల్లా బోధన్ మండలంలోని శక్కర్‌నగర్ వార్డు నం. 23లో చీరల వ్యాపారస్తురాలి ఇంట్లో దొంగతనానికి పాల్పడిన మహిళను స్థానికులు పట్టుకున్నారు. బుర్కా ధరించి వచ్చిన శోభ అనే మహిళ, కారం పొడి చల్లి, కత్తితో బెదిరించి బంగారు గొలుసు దోచుకునే యత్నం చేసింది. పోలీసులకు సమాచారం ఇవ్వగా, వారు కేసు నమోదు చేసి కోర్టులో హాజరుపరిచారు.
నిజామాబాద్ జిల్లా బోధన్ మండల పరిధిలోని శక్కర్‌నగర్ వార్డు నం. 23లో పట్టపగలు ఓ దొంగతనం ఘటన చోటుచేసుకుంది. బోధన్‌లోని ఇండియన్ గ్యాస్ ఏజెన్సీ ప్రక్కన ఉన్న ఓల్డ్ కాలనీలో చీరల వ్యాపారం చేసే స్వప్న ఇంట్లో శోభ అనే మహిళ చోరీకి పాల్పడింది.
బుర్కా ధరించి చీరలు కొనుగోలు చేసే నటన చేస్తూ ఇంట్లోకి ప్రవేశించిన శోభ, కారం పొడి తెచ్చుకొని వ్యాపారస్తురాలి కళ్లలో చల్లి, మెడలో ఉన్న బంగారు గొలుసు లాక్కునేందుకు ప్రయత్నించింది. అంతేకాక, గల్లా డబ్బాలోని డబ్బులు తీసుకుని పారిపోయింది. వ్యాపారస్తురాలు గట్టిగా అరవడంతో స్థానికులు అప్రమత్తమై, ఆమెను పట్టుకున్నారు.
ఈ సమాచారం పోలీసులకు అందించగా, బోధన్ టౌన్ పోలీసులు ఘటన స్థలానికి చేరుకుని శోభను అరెస్ట్ చేశారు. కేసు నమోదు చేసి, నిందితురాలిని కోర్టులో హాజరుపరిచామని పోలీసులు తెలిపారు.
