దుర్గభవాని నిమజ్జన మహోత్సవాన్ని ప్రారంభించిన ఎమ్మెల్యే

• భైంసా పట్టణంలో ఎమ్మెల్యే పవార్ రామారావు పటేల్ చేతుల మీదుగా నిమజ్జన మహోత్సవ ప్రారంభం

• పూజా కార్యక్రమంలో పాల్గొన్న ఎస్పీ జానకి షర్మిల, ఏ ఎస్ పి అవినాష్ కుమార్
• శాంతియుత వాతావరణంలో ఉత్సవాలు జరుపుకోవాలని ఎమ్మెల్యే సూచన

నిర్మల్ జిల్లా భైంసా పట్టణంలో దుర్గభవాని నిమజ్జన మహోత్సవాన్ని ఎమ్మెల్యే పవార్ రామారావు పటేల్ ప్రారంభించారు. పురాణ బజార్, భవాని చౌక్ ప్రాంతాలలో ఉత్సవం జరుపుకొని, పూజలు నిర్వహించి హారతిలో పాల్గొన్నారు. ఉత్సవం సందర్భంగా ప్రజలు శాంతియుతంగా ఉండాలని, మత్తు పదార్థాలకు దూరంగా ఉండాలని ఎమ్మెల్యే సూచించారు. ఎస్పీ జానకి షర్మిల, ఏ ఎస్ పి అవినాష్ కుమార్ ముఖ్య అతిథులుగా పాల్గొన్నారు.

నిర్మల్ జిల్లా భైంసా పట్టణంలోని పురాణ బజార్, భవాని చౌక్ వద్ద దుర్గభవాని నిమజ్జన మహోత్సవాన్ని ఎమ్మెల్యే పవార్ రామారావు పటేల్ ప్రారంభించారు. ఈ కార్యక్రమంలో ఎమ్మెల్యే పవార్ రామారావు పటేల్ అమ్మవార్ల చెంత పూజలు నిర్వహించి, హారతిలో పాల్గొన్నారు. మహోత్సవ ప్రారంభోత్సవంలో ఎస్పీ జానకి షర్మిల, ఏ ఎస్ పి అవినాష్ కుమార్ ముఖ్య అతిథులుగా పాల్గొన్నారు. ఎమ్మెల్యే పవార్ రామారావు పటేల్ ఈ సందర్భంగా మాట్లాడుతూ నిమజ్జన ఉత్సవాలను శాంతియుత వాతావరణంలో జరుపుకోవాలని, మత్తు పదార్థాలకు దూరంగా ఉండాలని ప్రజలను కోరారు. అమాయకులపై పెట్టిన కేసులను ఎత్తివేయాలని ఎస్పీని కోరారు. అమ్మవారి దయవల్ల ప్రజలంతా సుఖ సంతోషాలతో ఉండాలని ఆకాంక్షించారు. హిందూ ఉత్సవ సమితి అధ్యక్షులు పెండప్ కాశీనాథ్, పట్టణ ప్రముఖులు డాక్టర్ నగేష్, బబ్రు మహారాజ్, విలాస్ గాదెవార్, తోట విజయ్ తదితరులు ఈ మహోత్సవంలో పాల్గొన్నారు.