🔹 భైంసాలో అక్రమంగా తరలిస్తున్న 362 క్వింటాళ్ల పీడీఎస్ బియ్యం పట్టివేత
🔹 పీడీఎస్ బియ్యాన్ని పాలిష్ చేసి అధిక ధరకు విక్రయించే ముఠాను ఛేదించిన పోలీసులు
🔹 భైంసా ఎక్స్ రోడ్ వద్ద అనుమానాస్పదంగా ఉన్న లారీని పరిశీలించి బియ్యం స్వాధీనం
🔹 మహారాష్ట్ర మిల్లుల్లో పాలిష్ చేసి కొత్త బ్రాండ్లతో విక్రయిస్తున్న వ్యాపారుల గుట్టురట్టు
🔹 లోతైన విచారణ కోసం భైంసా ఏఎస్పీ అవినాష్ కుమార్ ఐపిఎస్‌కు బాధ్యతలు అప్పగింపు
భైంసాలో అక్రమంగా తరలిస్తున్న 362 క్వింటాళ్ల పీడీఎస్ బియ్యాన్ని నిర్మల్ జిల్లా పోలీసులు స్వాధీనం చేసుకున్నారు. భైంసా ఎక్స్ రోడ్ వద్ద అనుమానాస్పదంగా ఉన్న లారీని తనిఖీ చేయగా, పాలిష్ చేసి సన్నగా చేసిన పీడీఎస్ బియ్యం బయటపడింది. ఎస్పీ జానకి షర్మిల ఆదేశాల మేరకు ప్రత్యేక దాడులు నిర్వహించి నిందితులను అరెస్టు చేశారు.
భైంసా పట్టణంలో అక్రమంగా తరలిస్తున్న 362 క్వింటాళ్ల పీడీఎస్ బియ్యాన్ని నిర్మల్ జిల్లా పోలీసులు పట్టుకున్నారు. శుక్రవారం రాత్రి భైంసా ఎక్స్ రోడ్ వద్ద మహారాష్ట్ర నుంచి నిర్మల్ వైపు వస్తున్న 12 టైర్ల లారీ అనుమానాస్పదంగా ఉండడంతో పోలీసులు తనిఖీ చేయగా, బియ్యం అక్రమ రవాణా వ్యవహారం బయటపడింది.
కార్ యజమాని ఫిర్యాదుతో భైంసా పోలీసులు స్పందించి, అనుమానాస్పదంగా సమాధానాలు ఇచ్చిన లారీ డ్రైవర్‌ను అదుపులోకి తీసుకుని జిల్లా ఎస్పీ డా. జానకి షర్మిల ఐపీఎస్‌కు సమాచారం అందించారు. వెంటనే స్పందించిన ఎస్పీ, ప్రత్యేక దర్యాప్తు బృందాన్ని పంపించి లారీలోని బియ్యాన్ని పరిశీలించగా, అది పీడీఎస్ బియ్యాన్ని పాలిష్ చేసి సన్నగా మారుస్తున్న ముఠా నిర్వర్తిస్తున్న అక్రమ రవాణా అని గుర్తించారు.
ఎస్పీ జానకి షర్మిల మాట్లాడుతూ, “నిర్మల్ జిల్లాలో పీడీఎస్ బియ్యాన్ని తక్కువ ధరకు కొనుగోలు చేసి, మహారాష్ట్రలోని గోప్యమైన మిల్లుల్లో పాలిష్ చేసి కొత్త బ్రాండ్లతో విక్రయించే వ్యవస్థను ఛేదించాం. ఇలాంటి అక్రమ దందాలపై కఠిన చర్యలు తీసుకుంటాం,” అని తెలిపారు.
ఈ కేసును మరింత లోతుగా దర్యాప్తు చేసేందుకు భైంసా ఏఎస్పీ అవినాష్ కుమార్ ఐపీఎస్‌కు ప్రత్యేక బాధ్యతలు అప్పగించారని, నిందితులపై కఠిన చట్టపరమైన చర్యలు తీసుకుంటామని ఎస్పీ వెల్లడించారు. ఈ దాడిలో విశేషంగా పనిచేసిన పోలీసు బృందాన్ని ప్రత్యేకంగా అభినందించారు
