- నేడు మహారాష్ట్ర కొత్త ప్రభుత్వం ప్రమాణ స్వీకారం
- బీజేపీ 132 సీట్లతో ముందంజలో
- ఎక్‌నాథ్‌ షిండే కొనసాగింపు, లేక ఫడ్నవీస్‌కు బాధ్యత అనే చర్చ
మహారాష్ట్రలో మహాయుతి కూటమి ఘన విజయం సాధించడంతో సీఎం పదవి పై ఉత్కంఠ నెలకొంది. బీజేపీ 132 సీట్లు సాధించి ప్రధాన పార్టీగా అవతరించింది. ఏక్‌నాథ్‌ షిండేను కొనసాగించాలనే ప్రతిపాదనతో పాటు, ఫడ్నవీస్‌ను జాతీయ రాజకీయాల్లోకి తెచ్చే అవకాశాలపై చర్చ జరుగుతోంది. నేడు ముఖ్యమంత్రి ప్రమాణ స్వీకారం చేయనున్నారు.
మహారాష్ట్రలో 288 అసెంబ్లీ స్థానాలకు జరిగిన ఎన్నికల్లో మహాయుతి కూటమి 235 సీట్లు సాధించింది. బీజేపీ 132 సీట్లు గెలిచి అగ్రస్థానంలో ఉంది. ఎక్‌నాథ్‌ షిండే సీఎంగా కొనసాగించాలని శివసేన నేతలు కోరుతున్నారు, అయితే ఫడ్నవీస్‌ను జాతీయ రాజకీయాల్లోకి తీసుకెళ్లి పెద్ద పదవులు ఇవ్వాలని బీజేపీ ఉన్నత నేతలు భావిస్తున్నారు.
మహారాష్ట్రలో నేడు కొత్త ప్రభుత్వం కొలువుదీరనుంది. ముఖ్యమంత్రి ప్రమాణ స్వీకారం సందర్భంగా మొదటి విడతలో 21 మంది మంత్రులు కూడా బాధ్యతలు స్వీకరించనున్నారు.
