- ప్రభుత్వంపై డాక్టర్ శ్రీనివాస్ నూనెల ఆచార్య తీవ్ర విమర్శలు
- రైతుల రుణమాఫీ వెంటనే చేయాలని డిమాండ్
- 14 లక్షల మంది రైతులకు ఆంక్షల లేకుండా మాఫీ అవసరం
నిర్మల్ జిల్లాలో, రాజ్యాంగ పరిరక్షణ వేదిక రాష్ట్ర కార్యదర్శి డాక్టర్ శ్రీనివాస్ నూనెల ఆచార్య ప్రస్తుత ప్రభుత్వంపై రైతులకు ఇచ్చిన వాగ్దానాలు నెరవేర్చడంలో విఫలమైందని విమర్శించారు. ఆయన రైతుల రుణమాఫీకి సంబంధించిన నిధులు వెంటనే విడుదల చేయాలని డిమాండ్ చేశారు, ముఖ్యంగా 14 లక్షల మంది రైతులకు ఆంక్షల లేకుండా రుణమాఫీ అందించాలి అని తెలిపారు.
నిర్మల్ జిల్లా: అక్టోబర్ 22
రాజ్యాంగ పరిరక్షణ వేదిక రాష్ట్ర కార్యదర్శి డాక్టర్ శ్రీనివాస్ నూనెల ఆచార్య, ప్రస్తుతం ఉన్న ప్రభుత్వంపై రైతులకు ఇచ్చిన వాగ్దానాలు నెరవేర్చడంలో విఫలమయ్యాయంటూ తీవ్ర విమర్శలు చేశారు. ఆయన ఒక పత్రిక ప్రకటనలో, “ఎన్నికల సమయంలో ఇచ్చిన హామీ మేరకు, రైతులందరికీ సంపూర్ణ రుణమాఫీ చేయాలని” అన్నారు.
అతడు రైతుల భరోసా నిధులను వెంటనే విడుదల చేసి, వానాకాలంలో రైతులను ఆదుకోవాలని డిమాండ్ చేశారు. “ప్రభుత్వం వాయిదాల పర్వంతో రైతుల జీవితాలను మరింత సంక్షోభంలోకి నెట్టింది” అని ఆయన తెలిపారు.
ముఖ్యంగా, 14 లక్షల మంది రైతులకు, 2 లక్షల పైగా రుణం ఉన్న వారికి ఆంక్షలు లేకుండా వెంటనే రుణమాఫీ చేయాలని డిమాండ్ చేశారు. “గత ప్రభుత్వం కూడా లక్ష రూపాయల రుణమాఫీ చేయక రైతులను నష్టపరిచింది. ఈ ప్రభుత్వం కూడా అదే పంథాలో నడిస్తే, రైతులు తిరుగుబాటు చేయడం ఖాయమని హెచ్చరించారు.”
అలాగే, టెక్నికల్ సమస్యల కారణంగా రుణమాఫీ పొందలేకపోయిన 4-5 లక్షల మంది రైతులకూ వెంటనే రుణమాఫీ అందించాలని, ప్రకృతి వైపరీత్యం మరియు అకాల వర్షాల వల్ల పంటలు నష్టపోయిన రైతులను ఆదుకోవాలని కోరారు.
