టి.టి.సి ట్రైనింగ్ బ్యాచ్ మిత్రుల కలియక – మానవతా మౌనికం
మనోరంజని, తెలుగు టైమ్స్, బాన్సువాడ ప్రతినిధి
తేదీ: అక్టోబర్ 12
2008-09 సంవత్సరంలో టీచర్ ట్రైనింగ్ కోర్సు పూర్తి చేసిన విద్యార్థుల బ్యాచ్ మిత్రులు ఆదివారం ప్రత్యేకంగా సమావేశమయ్యారు. ఈ కలియక కామారెడ్డి జిల్లా బాన్సువాడ నియోజకవర్గంలోని బోర్లం గ్రామంలో జరిగింది. 16 ఏళ్ల తర్వాత మిత్రులు తిరిగి కలుసుకోవడం అందరికీ సంతోషకరమైన అనుభూతిని కలిగించింది.ఈ సందర్భంగా వారు గత జ్ఞాపకాలను గుర్తుచేసుకుంటూ, ఆప్యాయతతో ఒకరినొకరు పలకరించారు. ఈ సమావేశానికి ఒక ప్రత్యేక ఉద్దేశ్యం కూడా ఉంది. అదే, అదే బ్యాచ్‌కు చెందిన మిత్రుడు నెర్రె మోహన్ ఇటీవల అనారోగ్యంతో బాధపడుతుండటాన్ని దృష్టిలో ఉంచుకొని, మిత్రులు ఆర్థికంగా మద్దతుగా నిలిచారు. మోహన్ వైద్యం కోసం రూ. 23,000 సొమ్మును స్వచ్ఛందంగా సేకరించి, అతనికి అందజేశారు. ఈ మానవీయ చర్య మిత్రుల మధ్య బంధాన్ని మరింత బలోపేతం చేసింది. మోహన్ కుటుంబ సభ్యులు ఈ ఆదరణకు హర్షం వ్యక్తం చేస్తూ, అందరికీ హృదయపూర్వక కృతజ్ఞతలు తెలిపారు.
