వనపర్తి, 2026-06-05
ద్విచక్ర వాహనదారులు తప్పనిసరిగా హెల్మెట్ ధరించి తమ ప్రాణాలను కాపాడుకోవాలనే సందేశంతో, వనపర్తి జిల్లా కేంద్రంలోని కొత్తకోట మండలం సంకిరెడ్డిపల్లి గ్రామంలో ఒక వినూత్న కార్యక్రమం జరిగింది. నూతన వధూవరులైన నవీన్, శ్రీలత వివాహ వేడుకల్లో ప్రేమ్ టైలర్స్ యజమాని నానమోని మన్నెం, తన కుటుంబ సభ్యులతో కలిసి నవ వధూవరులకు హెల్మెట్లను కానుకగా అందజేశారు.
ద్విచక్ర వాహనదారులు తప్పనిసరిగా హెల్మెట్ ధరించి తమ ప్రాణాలను కాపాడుకోవాలనే సందేశంతో, వనపర్తి జిల్లా కేంద్రంలోని కొత్తకోట మండలం సంకిరెడ్డిపల్లి గ్రామంలో ఒక వినూత్న కార్యక్రమం జరిగింది. నూతన వధూవరులైన నవీన్, శ్రీలత వివాహ వేడుకల్లో ప్రేమ్ టైలర్స్ యజమాని నానమోని మన్నెం, తన కుటుంబ సభ్యులతో కలిసి నవ వధూవరులకు హెల్మెట్లను కానుకగా అందజేశారు. ద్విచక్ర వాహనంపై ప్రయాణించేటప్పుడు ఇద్దరూ తప్పనిసరిగా హెల్మెట్ ధరించాలని వారు సూచించారు.
తరచుగా జరిగే రోడ్డు ప్రమాదాల్లో హెల్మెట్ ధరించకపోవడం వల్లే చాలామంది ప్రాణాలు కోల్పోతున్నారని, దీనివల్ల తల్లిదండ్రులకు తీరని దుఃఖం మిగులుతోందని నానమోని మన్నెం ఆవేదన వ్యక్తం చేశారు. ఈ ప్రమాదాలను నివారించడంలో హెల్మెట్ ఎంతగానో ఉపయోగపడుతుందని ఆయన తెలిపారు. గత ఐదేళ్లుగా తాను ఈ కార్యక్రమాన్ని కొనసాగిస్తున్నట్లు ఆయన చెప్పారు.
ప్రేమ్ టైలర్స్ యజమాని నానమోని మన్నెం గత ఐదేళ్లుగా అనేక వివాహ వేడుకల్లో పాల్గొని నూతన వధూవరులకు హెల్మెట్లను బహుకరిస్తున్నారు. అలాగే, రక్తదానం చేసిన వారికి కూడా హెల్మెట్లను బహుకరించారు. తన షాపులో దుస్తులు కుట్టించుకున్న కస్టమర్లకు కూడా హెల్మెట్లను అందిస్తున్నారు. ద్విచక్ర వాహనంపై ప్రయాణించేటప్పుడు తప్పనిసరిగా హెల్మెట్ ధరించి ప్రాణాలను కాపాడుకోవాలని ప్రభుత్వం, ట్రాఫిక్ పోలీసులు, వనపర్తి జిల్లా ఎస్పీ పలు సందర్భాల్లో సూచించారు. ఈ దిశగా ప్రేమ్ టైలర్స్ చేస్తున్న కృషి ప్రశంసనీయం.
