నిర్మల్ నగరంలో రోడ్డు ప్రమాదాలను తగ్గించి, ప్రజల ప్రాణభద్రతను పెంపొందించే లక్ష్యంతో 'అరైవ్ అలైవ్' కార్యక్రమంలో భాగంగా, మున్సిపల్ కౌన్సిలర్లకు పోలీస్ శాఖ ఆధ్వర్యంలో రోడ్డు భద్రతా నిబంధనలపై అవగాహన సదస్సును నిర్వహించారు.
ఈ సదస్సులో, ఏఎస్పీ ఉపేందర్ రెడ్డి, పట్టణ సీఐ సమ్మయ్య మాట్లాడుతూ, వాహనదారులు తప్పనిసరిగా రోడ్డు భద్రతా నిబంధనలు పాటించాలని, ప్రమాదకర ఓవర్టేక్లకు పాల్పడవద్దని, ఎడమవైపు వాహనం నడపాలని, సీట్బెల్ట్, హెల్మెట్ ధరించడం తప్పనిసరి అని సూచించారు.
మున్సిపల్ వైస్ చైర్మన్ అప్పాల గణేష్ చక్రవర్తి మాట్లాడుతూ, ప్రభుత్వాలు ప్రజల సంరక్షణ కోసమే నిబంధనలు అమలు చేస్తున్నాయని, ప్రతి ఒక్కరూ రోడ్డు భద్రత నిబంధనలు పాటించాలన్నారు. ప్రమాదాల వల్ల కుటుంబాలు తీవ్ర దుఃఖంలో మునిగిపోతాయని, దీనిని నివారించడానికి కౌన్సిలర్లు తమ వార్డుల్లో అవగాహన కల్పించాలని కోరారు.
ఈ కార్యక్రమంలో నిర్మల్ టౌన్ ఎస్ఐ అజయ్, కౌన్సిలర్లు, మున్సిపల్ సిబ్బంది పాల్గొన్నారు. 'అరైవ్ అలైవ్' కార్యక్రమం రాష్ట్రవ్యాప్తంగా రోడ్డు భద్రతపై ప్రజల్లో చైతన్యం తీసుకురావడానికి ఉద్దేశించబడింది.
