ముధోల్‌లో ప్రెస్ క్లబ్ నూతన కార్యవర్గానికి ఘన సన్మానం

ముధోల్: ఇటీవల ఎన్నికైన ప్రెస్ క్లబ్ ప్రింట్ & ఎలక్ట్రానిక్ మీడియా నూతన కార్యవర్గానికి స్థానిక బీజేపీ నాయకులు ఘనంగా సన్మానించారు. బుధవారం జరిగిన ఈ కార్యక్రమంలో, నూతన కార్యవర్గ సభ్యులను శాలువాలతో సత్కరించారు.

అధ్యక్షులు సునీల్ జోందలే, ఉపాధ్యక్షులు సోన్ కాంబ్లె, కార్యదర్శి రమేష్, సంయుక్త కార్యదర్శి శరత్ లతో పాటు పలువురు సభ్యులను బీజేపీ నాయకులు సన్మానించారు. ఈ సందర్భంగా నూతన కార్యవర్గ సభ్యులు మాట్లాడుతూ, నిరుపేదల సమస్యలను అధికారుల దృష్టికి తీసుకెళ్లి పరిష్కారానికి కృషి చేస్తామని తెలిపారు.

ఐక్యంగా ఉండి తమ కార్యాచరణను ముందుకు తీసుకువెళ్తామని, అందరి సహకారం అవసరమని వారు వెల్లడించారు. తమ విధిని నిస్వార్థంగా నిర్వర్తిస్తామని ధీమా వ్యక్తం చేశారు. ప్రభుత్వ పథకాలను ప్రజలకు చేరవేయడంలో తమ వంతు పాత్ర పోషిస్తామని పేర్కొన్నారు.

బీజేపీ నాయకులు మాట్లాడుతూ, స్థానిక ఎమ్మెల్యే చొరవతో ప్రభుత్వ ప్రతిఫలాన్ని ప్రజలకు చేకూర్చేలా కృషి చేస్తామని హామీ ఇచ్చారు. ఈ కార్యక్రమంలో బీజేపీ మండల నాయకులు, గ్రామ ఉప సర్పంచ్, సోషల్ మీడియా కన్వీనర్ తో పాటు పలువురు పాల్గొన్నారు.