బీసీలకు 42% రిజర్వేషన్ బిల్లులపై రాష్ట్రపతి అపాయింట్‌మెంట్ కోరిన రాష్ట్ర ప్రభుత్వం
ఆగస్టు 5, 6, 7 తేదీల్లో ఢిల్లీకి సీఎం రేవంత్ నేతృత్వంలోని ప్రతినిధి బృందం వెళ్లనున్నది
హైదరాబాద్‌:
స్థానిక సంస్థలు, విద్య మరియు ఉద్యోగాల్లో బీసీలకు 42 శాతం రిజర్వేషన్ కల్పిస్తూ రాష్ట్ర శాసనసభ ఆమోదించిన రెండు బిల్లులకు వెంటనే చట్టబద్ధత కల్పించాలని రాష్ట్ర మంత్రిమండలి గౌరవ రాష్ట్రపతి ద్రౌపది ముర్ము గారిని విజ్ఞప్తి చేసింది.
ఈ మేరకు ముఖ్యమంత్రి శ్రీ ఎ. రేవంత్ రెడ్డి అధ్యక్షతన డాక్టర్ బీఆర్ అంబేద్కర్ రాష్ట్ర సచివాలయంలో జరిగిన మంత్రిమండలి సమావేశంలో కీలకంగా చర్చ జరిగింది. ఈ సమావేశంలో ముఖ్యమంత్రి, మంత్రులు, ఎంపీలు, ఎమ్మెల్సీలు, ఎమ్మెల్సీలు, బీసీ సంఘాల ప్రతినిధులు ఆగస్టు 5, 6, 7 తేదీల్లో ఢిల్లీకి వెళ్లి రాష్ట్రపతిని కలిసి బిల్లు ఆమోదం కోరాలని నిర్ణయించారు.
కీలక అంశాలు:
-
మార్చి 2025లో శాసనసభ ఆమోదించిన రెండు బిల్లులు గవర్నర్ ద్వారా రాష్ట్రపతికి పంపబడ్డాయి.
-
బీసీలకు స్థానిక సంస్థలు, విద్య, ఉద్యోగాల్లో కలిపి మొత్తం 42 శాతం రిజర్వేషన్ కల్పించేందుకు ఉద్దేశించిన బిల్లులు ఇవి.
-
ప్రస్తుతం ఈ బిల్లులు రాష్ట్రపతి వద్ద పెండింగ్‌లో ఉన్నాయి.
-
స్థానిక సంస్థల ఎన్నికల నిర్వహణపై హైకోర్టు గడువు విధించిన నేపథ్యంలో, ఈ అంశంపై తక్షణమే చట్టబద్ధత అవసరం ఏర్పడింది.
-
రాష్ట్రపతి అపాయింట్‌మెంట్ కోరాలని మంత్రివర్గం నిర్ణయం తీసుకుంది.
రాజకీయ ఐక్యతపై పిలుపు:
ఈ బిల్లులకు కేంద్రం ఆమోదం తీసుకునేందుకు బీజేపీ ఎంపీలు కూడా సహకరించాలని మంత్రివర్గం పిలుపునిచ్చింది. రాష్ట్ర ప్రభుత్వ ఉద్దేశం పూర్తిగా బీసీ హక్కుల సాధన కోసం ఉందని స్పష్టం చేసింది. అన్ని రాజకీయ పార్టీలు ఈ విషయంలో తమ వంతు పాత్ర పోషించాలని కోరింది.
ఈ అంశాలపై మంత్రులు పొన్నం ప్రభాకర్, కొండా సురేఖ, వాకిటి శ్రీహరి మీడియా సమావేశంలో వివరించారు.
