అమరావతి, అక్టోబర్ 16
ఏపీ సీఎం చంద్రబాబు అధ్యక్షతన సచివాలయంలో కేబినెట్ సమావేశం జరుగుతోంది. ఈ భేటీలో పలు ప్రధాన అంశాలపై చర్చలు జరుగుతుండగా, ప్రభుత్వం కొత్త పాలసీలను ప్రవేశపెట్టే అవకాశముంది. ఎన్నికల హామీల అమలు, ముఖ్యంగా మహిళలకు ఏడాదికి మూడు ఉచిత గ్యాస్ సిలిండర్ల పథకం పై కేబినెట్ ఆమోదం తెలపనుంది.
ప్రధాన చర్చ అంశాలు:
- మహిళలకు ఉచిత గ్యాస్ సిలిండర్ల పథకం: ఈ పథకానికి కేబినెట్ ఆమోదం తెలిపే అవకాశం.
- చెత్త పన్ను రద్దు: ప్రజలకు ఆర్థిక భారం తగ్గించే చర్యలు.
- వరద ప్రభావిత ప్రాంతాల్లో రుణాల రీషెడ్యూల్: వరదలతో నష్టపోయిన ప్రాంతాల్లో రుణ సౌకర్యాలపై నిర్ణయం.
- 13 కొత్త మున్సిపాలిటీల్లో ఉద్యోగ భర్తీ: 190 పోస్టుల భర్తీపై చర్చలు.
- పారిశ్రామిక రంగానికి కొత్త పాలసీలు: కొత్తగా 5-6 పారిశ్రామిక పాలసీలపై చర్చ.
ఈ సమావేశంలో డిప్యూటీ సీఎం పవన్ కళ్యాణ్, ఐటీ మంత్రి నారా లోకేష్ ఇతర మంత్రులు కూడా పాల్గొన్నారు.
