హైదరాబాద్: అక్టోబర్ 07
తెలంగాణ సంస్కృతి ప్రతీక బతుకమ్మ పండుగకు అమెరికాలో విశేష గౌరవం లభించింది. ఈ పండుగను జార్జియా, వర్జీనియా రాష్ట్రాల గవర్నర్లు, నార్త్ కరోలినాలోని ఛార్లెట్, రాలేహ్ మేయర్లు ఎంతో ప్రాముఖ్యత ఇచ్చి అభినందించారు. బతుకమ్మ పండుగ ప్రకృతి మరియు మానవజాతి మధ్య ఉన్న ఆత్మీయతను ప్రతిబింబిస్తుందని, తెలంగాణ సమాజం నార్త్ కరోలినాకు ముఖ్యమైన కృషి చేసిందని వారు పేర్కొన్నారు.
తెలంగాణ పూల బతుకమ్మ పండుగకు అమెరికాలో అధికారిక గుర్తింపు
అమెరికాలోని ఎన్నారై సంఘాలు, ముఖ్యంగా తానా, మాటా వంటి సంస్థలు, బతుకమ్మ పండుగను అక్టోబర్ 1 నుంచి 9 వరకు ఘనంగా నిర్వహించేందుకు ఏర్పాట్లు చేసాయి. ప్రపంచవ్యాప్తంగా విస్తరించిన తెలంగాణ వాసులు ఈ పండుగను తమ సంప్రదాయాలకు అద్దం పట్టేలా ఉత్సాహంగా జరుపుకుంటున్నారు.
తెలుగు ప్రజల సంస్కృతి పరిరక్షణకు అమెరికా ప్రభుత్వం కూడా ఎలాంటి అభ్యంతరం లేకుండా సహకరిస్తుండటం విశేషం.
