సారంగాపూర్ మండల కేంద్రంలో తెలంగాణ బీసీ బంద్ విజయవంతం

సారంగాపూర్ మండల కేంద్రంలో తెలంగాణ బీసీ బంద్ విజయవంతం

బీసీలకు 42% రిజర్వేషన్‌ కల్పించే వరకు పోరాటం ఆగదు

• సారంగాపూర్ మండలంలో బీసీ బంద్ ఘనవిజయం

• మాజీ జడ్పీటీసీ పత్తిరెడ్డి రాజేశ్వర్ రెడ్డి పిలుపు

• “బీసీ రిజర్వేషన్ సాధించేవరకు ఐక్యంగా పోరాటం” – బీసీ నాయకులు

• అన్ని వర్గాల ప్రజల నుంచి బంద్‌కు విశేష మద్దతు

బీసీలకు 42 శాతం రిజర్వేషన్లు అమలు చేయాలని డిమాండ్ చేస్తూ రాష్ట్రవ్యాప్తంగా నిర్వహించిన బంద్ సారంగాపూర్ మండలంలో విజయవంతమైంది. మాజీ జడ్పీటీసీ పత్తిరెడ్డి రాజేశ్వర్ రెడ్డి నేతృత్వంలో బీసీ నాయకులు నిరసన తెలిపారు. బీసీలకు సముచిత ప్రాతినిధ్యం లభించే వరకు పోరాటం ఆగదని తెలిపారు. బంద్ సందర్భంగా పలు రాజకీయ నేతలు, సామాజిక వర్గాలు పాల్గొన్నారు.

శనివారం సారంగాపూర్ మండల కేంద్రంలో బీసీలకు 42 శాతం రిజర్వేషన్లు కల్పించాలని డిమాండ్ చేస్తూ బీసీ నాయకుల ఆధ్వర్యంలో నిరసన కార్యక్రమం జరిగింది. ఈ సందర్భంగా మాజీ జడ్పీటీసీ పత్తిరెడ్డి రాజేశ్వర్ రెడ్డి మాట్లాడుతూ, “బీసీల హక్కుల సాధన కోసం తెలంగాణ బంద్ ప్రారంభమైంది. ఈ ఉద్యమం ఏ రాజకీయ పార్టీకి వ్యతిరేకం కాదు. ఇది బీసీల న్యాయ హక్కుల కోసం జరుగుతున్న ప్రజా ఉద్యమం. బీసీల రిజర్వేషన్లు అమలు అయ్యే వరకు మా పోరాటం ఆగదు” అని తెలిపారు.

ఆయనతో పాటు కాంగ్రెస్ పార్టీ మండల అధ్యక్షుడు బొల్లోజు నర్సయ్య, అడెల్లి టెంపుల్ చైర్మన్ సింగం భోజగౌడ్, బ్లాక్ కాంగ్రెస్ అధ్యక్షులు దశరథ్ రాజేశ్వర్, మాజీ చైర్మన్ ఉట్ల రాజేశ్వర్, స్వర్ణ ప్రాజెక్టు చైర్మన్ ఓలత్రి నారాయణ రెడ్డి, డైరెక్టర్ బట్టు భోజన్న, నాయకులు నర్సారెడ్డి, ఓలత్రి రాజారెడ్డి, అట్లా ముత్యం రెడ్డి, వంగ ప్రభాకర్ రెడ్డి, చాబత్తుల రమణ, కేకే రావు, సారంగాపూర్ మండల కాంగ్రెస్ సోషల్ మీడియా కోఆర్డినేటర్ సాక్ పెళ్లి సురేందర్ తదితరులు పాల్గొన్నారు.

ఈ బంద్‌కు సారంగాపూర్ ప్రజలు, వ్యాపారులు, సామాజిక సంస్థలు విస్తృత మద్దతు తెలిపారు.