- గురుకుల విద్యాలయాలు, వసతి గృహాల్లో చిన్న సమస్యలను ప్రాముఖ్యతగా చూపడం
- ఉద్యోగుల స్థైర్యాన్ని దెబ్బతీసే ప్రవర్తనపై సీతక్క ఆగ్రహం
- విద్యార్థులకు మంచి సేవలు అందించేందుకు టీచర్లు, సిబ్బంది జాగ్రత్తగా వ్యవహరించాలి
- నిర్లక్ష్యం ఉంటే కఠిన చర్యలు తప్పవు అని మంత్రి హెచ్చరిక
- హాస్టళ్లలో నాణ్యమైన భోజనం, వైద్యం సకాలంలో అందించాలి
గురుకుల విద్యాలయాలు, వసతి గృహాల్లో చిన్న చిన్న సమస్యలను అనవసరంగా ప్రాధాన్యత ఇచ్చి చూపించడాన్ని మంత్రి సీతక్క ఖండించారు. టీచర్లు, సిబ్బంది మరింత జాగ్రత్తగా విద్యార్థులకు మంచి సేవలు అందించాలన్న మంత్రి, విధుల్లో నిర్లక్ష్యం వహిస్తే కఠిన చర్యలు తప్పవని హెచ్చరించారు. హాస్టళ్లలో విద్యార్థులను సొంత పిల్లల్లా చూసుకోవాలని, నాణ్యమైన భోజనం, మెరుగైన వైద్యం అందించాలన్నారు.
గురుకుల విద్యాలయాలు, వసతి గృహాల్లో చిన్న సమస్యలను భూతద్దంలో పెట్టి చూపే ప్రయత్నాలు జరుగుతున్నాయని మంత్రి సీతక్క అన్నారు. ప్రభుత్వం మీద కావాలనే వ్యతిరేకత చూపిస్తూ, ఉద్యోగుల స్థైర్యాన్ని దెబ్బతీయడానికి కొందరు ప్రయత్నిస్తున్నారని ఆమె మండిపడ్డారు. గిరిజన గురుకులాలు, సంక్షేమ హాస్టళ్లు, ఆశ్రమ పాఠశాలలపై సీతక్క వీడియో కాన్ఫరెన్స్ నిర్వహించి, టీచర్లు, వార్డెన్లు, సిబ్బంది మరింత జాగ్రత్తగా పనిచేయాలని సూచించారు. విద్యార్థులకు నాణ్యమైన సేవలు అందించాలని, విధుల్లో నిర్లక్ష్యం వహిస్తే కఠిన చర్యలు తప్పవని హెచ్చరించారు. విద్యార్థులకు జ్వరం వచ్చినప్పుడు ఇంటికి పంపించకుండా వైద్యం అందించాలని, హాస్టల్ విద్యార్థులు అటవీ ప్రాంతాలకు వెళ్లకుండా చూడాలని ఆమె అన్నారు. నాణ్యమైన భోజనం అందించడం, సరుకుల సరఫరా సరిగా లేకపోతే టెండర్లు రద్దు చేస్తామని కూడా హెచ్చరించారు.
