సోనాపూర్ తండాలో పంచాయతీ, అంగన్వాడీ భవనాలకు ప్రభుత్వ భూమి కేటాయింపుపై వినతి

గ్రామ పంచాయతీ భవనం, అంగన్వాడీ కేంద్రం నిర్మాణం తమ గ్రామానికి అత్యవసరమని, ప్రస్తుతం ఉన్న స్థలం సరిపోదని, అందువల్ల గ్రామ శివారులోని ప్రభుత్వ భూమిని కేటాయించాలని సర్పంచ్ కోరారు. ఈ భవనాల నిర్మాణం వల్ల గ్రామ ప్రజలకు, ముఖ్యంగా మహిళలకు, పిల్లలకు మెరుగైన సౌకర్యాలు అందుబాటులోకి వస్తాయని గ్రామస్తులు తెలిపారు.

తహశీల్దార్ సంధ్యారాణి వినతిని స్వీకరించి, పరిశీలించి తగు చర్యలు తీసుకుంటామని హామీ ఇచ్చారు.

ఈ కార్యక్రమంలో సోనాపూర్ తండా వాసులు శంకర్, అర్జున్, వసంత రావు, నారాయణ, కాశీరాం, బీమ్ రావు, రతన్ సింగ్, భగవత్ తో పాటు పలువురు గ్రామస్తులు పాల్గొన్నారు.