ప్రాంతం: ఆదిలాబాద్ జిల్లా
తేదీ: అక్టోబర్ 21, 2024
ఆదిలాబాద్ జిల్లాలో బీసీ కమిషన్ టీం పర్యటన ముగిసింది. ఈ పర్యటన అనంతరం బీసీ కమిషన్ చైర్మన్ నిరంజన్ మాట్లాడుతూ, ఉమ్మడి జిల్లాలో బీసీ కమిషన్ బహిరంగ విచారణలో 90 అర్జీలు అందాయన్నారు.
బీసీలకు 42 శాతం రిజర్వేషన్ ఇవ్వాలనే డిమాండ్ ఎక్కువగా వినిపించినప్పటికీ, వచ్చే నెల 13 వరకు ఉమ్మడి జిల్లా కేంద్రాల్లో బహిరంగ విచారణ కొనసాగుతుందని ఆయన చెప్పారు. కులగణన ప్రశ్నావళి సిద్ధం అవుతుందని ప్రకటించారు.
త్వరలో కులగణన ప్రారంభం కానుంది. ఇప్పటికే ఎన్యూమరేటర్స్ కు శిక్షణ జరుగుతోంది. రాష్ట్రంలో 80 నుంచి 90 వేల వరకు ఎన్యూమరేటర్లు ఉంటారని, ఒక్కరు రోజుకు 10 కుటుంబాల సర్వే చేస్తారని పేర్కొన్నారు. మొత్తం 15 రోజుల పాటు సర్వే జరుగుతుంది. ఆ తర్వాత మరో 15 రోజుల పాటు డేటా ఎంట్రీ జరుగుతుంది. రిపోర్ట్ వచ్చిన తరువాత దానికి అనుగుణంగా రిజర్వేషన్‌ల కేటాయింపు జరుగుతుందని చైర్మన్ నిరంజన్ వెల్లడించారు.
