అడేల్లి గ్రామం నుండి బీజేపీ సర్పంచ్ అభ్యర్థిగా రాజశేఖర్ గౌడ్ ఆసక్తి
మనోరంజని తెలుగు టైమ్స్ సారంగాపూర్ ప్రతినిధి అక్టోబర్ 09
అడేల్లి గ్రామ రాజకీయాల్లో సుదీర్ఘ అనుభవం కలిగిన సీనియర్ యువ నాయకుడు రాజశేఖర్ గౌడ్ రానున్న సర్పంచ్ ఎన్నికల్లో భారతీయ జనతా పార్టీ (బీజేపీ) తరఫున పోటీ చేయాలని ఆసక్తి వ్యక్తం చేశారు.తెలంగాణ ఉద్యమంలో 2007 నుండి చురుకుగా పాల్గొన్న రాజశేఖర్ , ప్రజాస్వామ్య విలువలు మరియు సమాజాభివృద్ధి పట్ల తన కట్టుబాటును అప్పుడే ప్రదర్శించారు. 2013 నుండి బీజేపీ లో క్రియాశీల కార్యకర్తగా పనిచేస్తూ, పలు పార్టీ కార్యక్రమాల్లో నిబద్ధతతో పాల్గొంటూ, 2018 సర్పంచ్ ఎన్నికల్లో పోటీచేశారు. అప్పుడు విజయం సాధించలేకపోయినా, రాజకీయ విపరీతాల మధ్య ప్రజలతో గాఢమైన సంబంధాన్ని కొనసాగిస్తూ, గ్రామ అభివృద్ధిపై తన దృష్టిని నిలిపారు. ప్రస్తుతం, అడేల్లి గ్రామ ప్రజల మద్దతుతో మళ్లీ బరిలోకి దిగేందుకు సిద్ధమవుతున్నారు. ఇక, స్థానిక ఎమ్మెల్యే మహేశ్వర్ రెడ్డి గారి సహకారంతో, గ్రామంలో అనేక అభివృద్ధి కార్యక్రమాలు ప్రారంభమయ్యాయి. ముఖ్యంగా, 15 లక్షల రూపాయలతో నిర్మించిన స్మశాన వాటికకు సీసీ రోడ్డులు, ఇతర మౌలిక వసతుల అభివృద్ధి కార్యక్రమాలు గ్రామ ప్రజల జీవితాలను మెరుగుపరిచాయి.రాజశేఖర్ గ్రామంలోని ప్రతి సమస్య పట్ల అవగాహన కలిగి, వాటి పరిష్కారానికి కృషి చేస్తున్నారు. కేంద్ర ప్రభుత్వం ప్రవేశపెట్టిన పథకాలను గ్రామ ప్రజలకు అందించడంలో కీలకపాత్ర పోషిస్తూ, ప్రజల మన్ననలు పొందుతున్నారు.ఈ నేపథ్యంలో, అభివృద్ధికి ప్రాధాన్యతనిచ్చే ఎమ్మెల్యే మహేశ్వర్ రెడ్డి గారి మార్గదర్శనంలో, బీజేపీ అభ్యర్థిగా రాజశేఖర్ పోటీ చేయడం, గ్రామానికి మరింత అభివృద్ధిని తీసుకురావచ్చనే అభిప్రాయం ప్రజల్లో వ్యక్తమవుతోంది.
