- 2024-25లో 1,899 పాఠశాలల్లో జీరో ఎన్‌రోల్‌మెంట్స్
- 53 పాఠశాలల్లో ఒక్కో విద్యార్థి మాత్రమే నమోదు
- 4324 పాఠశాలల్లో 10 మందికి లోపు విద్యార్థులు
- ఉపాధ్యాయులను స్కూళ్ల అవసరాలకు అనుగుణంగా సర్దుబాటు
తెలంగాణలో 2024-25 విద్యాసంవత్సరంలో 1,899 ప్రభుత్వ పాఠశాలల్లో జీరో ఎన్‌రోల్‌మెంట్స్ నమోదయ్యాయి. కొన్ని స్కూళ్లలో ఒక్క విద్యార్థి మాత్రమే చేరగా, 10 మంది లోపు విద్యార్థులతో 4324 పాఠశాలలు ఉన్నాయి. ప్రభుత్వం ఉపాధ్యాయులను అవసరాల ప్రకారం సర్దుబాటు చేస్తోంది. ప్రైవేట్ పాఠశాలలతో పోటీగా క్వాలిటీ విద్య అందించేందుకు ప్రభుత్వం కృషి చేయాల్సిన అవసరం ఉందని విద్యావర్గాలు అభిప్రాయపడుతున్నాయి.
తెలంగాణ రాష్ట్రంలోని ప్రభుత్వ పాఠశాలల్లో విద్యార్థుల సంఖ్య తగ్గుతూ ఉండటం ఆందోళన కలిగిస్తోంది. 2024-25 విద్యాసంవత్సరంలో మొత్తం 1,899 పాఠశాలల్లో జీరో ఎన్‌రోల్‌మెంట్స్ నమోదయ్యాయి. అంటే ఈ స్కూళ్లలో ఒక్క విద్యార్థి కూడా చేరలేదు. అయితే ఈ స్కూళ్లలో 580 మంది ఉపాధ్యాయులు ఉన్నారు. రాష్ట్రంలోని 53 పాఠశాలల్లో కేవలం ఒక్క విద్యార్థి మాత్రమే ఉండగా, ఈ పాఠశాలల్లో 51 మంది ఉపాధ్యాయులు విధులు నిర్వహిస్తున్నారు.
పది మంది లోపు విద్యార్థులతో ఉన్న పాఠశాలల సంఖ్య 4324 కాగా, ఈ స్కూళ్లలో మొత్తం 3326 మంది ఉపాధ్యాయులు ఉన్నారు. తెలంగాణలో మొత్తం 26,101 ప్రభుత్వ పాఠశాలలు ఉన్నాయి, వీటిలో ప్రైమరీ, అప్పర్ ప్రైమరీ, హైస్కూళ్లు ఉన్నాయి. ఉపాధ్యాయుల సంఖ్య 1,06,641 కాగా, విద్యార్థుల సంఖ్య తగ్గుతుండటంతో అధికారులు ఉపాధ్యాయులను సర్దుబాటు చేస్తున్నారు.
జీరో ఎన్‌రోల్‌మెంట్ పాఠశాలల వివరాలు:
- జీరో ఎన్‌రోల్‌మెంట్ పాఠశాలలు: 1,899
- ప్రైమరీ స్కూళ్లు: 1,818
- అప్పర్ ప్రైమరీ స్కూళ్లు: 48
- హైస్కూళ్లు: 33
తక్కువ విద్యార్థులతో ఉన్న పాఠశాలలు:
- 1-10 మంది విద్యార్థులు: 2,415 పాఠశాలలు
- 11-20 మంది విద్యార్థులు: 4,110 పాఠశాలలు
- 21-30 మంది విద్యార్థులు: 3,307 పాఠశాలలు
- 50 మందికి పైగా విద్యార్థులు: 9,963 పాఠశాలలు
రానురాను జీరో ఎన్‌రోల్‌మెంట్స్ పెరుగుతుండటంతో ప్రైవేట్ పాఠశాలలతో పోటీగా ప్రభుత్వ పాఠశాలల్లో క్వాలిటీ విద్య అందించడంలో సర్కార్ కీలక పాత్ర పోషించాల్సి ఉంది. విద్యార్థుల సంఖ్య పెంచేందుకు ప్రభుత్వం తీసుకునే చర్యలపై అందరి దృష్టి నిలిచింది.
