సారంగాపూర్ జడ్పిటిసి బరిలో బీఎస్పీ అభ్యర్థిగా ప్రొఫెసర్ జాదవ్ అవినాష్
M4News ప్రతినిధి – సారంగాపూర్, అక్టోబర్ 9
నిర్మల్ జిల్లా సారంగాపూర్ మండలం జడ్పిటిసి స్థానాన్ని ఈసారి ఎస్టీ (పెట్టెడ్ తెగలు) కోటాకు కేటాయించిన నేపథ్యంలో, బీఎస్పీ పార్టీ తరఫున సిరిపల్లి తాండాకు చెందిన ప్రొఫెసర్ జాదవ్ అవినాష్ బరిలోకి దిగేందుకు సిద్ధమవుతున్నారు.
స్థానిక సమస్యల పరిష్కారంపై నిబద్ధతతో పనిచేసి, సామాజిక సేవా దృక్పథం కలిగిన నాయకుడిగా జాదవ్ అవినాష్ మంచి పేరు సంపాదించుకున్నారు. గతంలో బీఎస్పీ తరఫున ఎమ్మెల్సీగా పోటీ చేసిన అనుభవం ఆయనకు ఉంది. ప్రజల సేవ కోసం పార్టీలు మార్చకుండా, నిరంతరంగా ప్రజలతో ఉండి వారి కోసం కృషి చేయాలనే సంకల్పంతో ఈసారి స్వయంగా బరిలోకి దిగుతున్నట్టు తెలిపారు.
బలమైన సామాజిక మద్దతుతో పాటు, పార్టీ వ్యవస్థలో చురుకైన పాత్ర పోషిస్తున్న ప్రొఫెసర్ అవినాష్ పేరు బీఎస్పీ అభ్యర్థిగా ప్రచారంలో ఉంది. అయితే అభ్యర్థిత్వంపై తుది నిర్ణయం పార్టీ అధిష్ఠానం తీసుకోవాల్సి ఉండడంతో నియోజకవర్గ రాజకీయాల్లో ఉత్కంఠ నెలకొంది.
ప్రస్తుతం పలు ఆశావహులు రంగంలో ఉన్న నేపథ్యంలో, పార్టీ వర్గాలు జాగ్రత్తగా సమీక్షలు జరుపుతున్నాయి. అభ్యర్థి ఎంపికపై త్వరలో స్పష్టత వచ్చే అవకాశం ఉంది.
