- PDSU 50 అర్థ దశాబ్ద వసంతాల సభల పోస్టర్స్ విడుదల
- విద్యార్థి ఉద్యమాలను బలపరచాలని PDSU ఆర్మూర్ డివిజన్ అధ్యక్షుడు ప్రిన్స్ పిలుపు
- అక్టోబర్ 24న హైదరాబాద్‌లో రాష్ట్ర స్థాయి ఉత్సవాలు
నందిపేట్ మండలంలోని ప్రభుత్వ స్కూల్ ఆవరణలో PDSU 50 అర్థ దశాబ్ద వసంతాల ఉత్సవ పోస్టర్స్ విడుదలయ్యాయి. PDSU ఆర్మూర్ డివిజన్ అధ్యక్షుడు ప్రిన్స్, విద్యార్థి ఉద్యమాలను బలపరచి సమాజ మార్పు కోసం పోరాడాలని పిలుపునిచ్చారు. అక్టోబర్ 24న హైదరాబాద్‌లో జరిగే రాష్ట్ర స్థాయి కార్యక్రమంలో విద్యార్థులు పెద్ద ఎత్తున పాల్గొనాలని కోరారు.
నందిపేట్: సెప్టెంబర్ 25
నందిపేట్ మండల కేంద్రంలోని ప్రభుత్వ స్కూల్ ఆవరణలో PDSU (పీపుల్స్ డెమోక్రటిక్ స్టూడెంట్స్ యూనియన్) 50 అర్థ దశాబ్ద వసంతాల ఉత్సవాల పోస్టర్స్ విడుదల చేశారు. ఈ కార్యక్రమాన్ని PDSU ఆర్మూర్ డివిజన్ ఆధ్వర్యంలో నిర్వహించారు. ఈ సందర్భంగా PDSU ఆర్మూర్ డివిజన్ అధ్యక్షుడు ప్రిన్స్ మాట్లాడుతూ, విద్యార్థి అమరవీరుల స్ఫూర్తితో విప్లవ విద్యార్థి ఉద్యమాలను నిర్మించాలని, సమానమైన విద్యను అందించేందుకు పోరాటం కొనసాగించాలని అన్నారు.
ప్రిన్స్ మరింతగా, పీ.డి.ఎస్.యూ ఉద్యమాల చరిత్రను గమనిస్తే, ఉస్మానియా యూనివర్శిటీలో జార్జి రెడ్డి వంటి నాయకుల త్యాగాలతో ఈ విద్యార్థి సంఘం ప్రారంభమై, కోట్లాది విద్యార్థులకు మార్గదర్శకంగా మారిందని తెలిపారు. విద్యా సమస్యలపై నిరంతరం పోరాటం చేస్తున్న ఈ సంఘం, పేద విద్యార్థులకు సమానమైన శాస్త్రీయ విద్య అందించే లక్ష్యంతో పనిచేస్తుందని ప్రిన్స్ వివరించారు.
ఈ సందర్భంగా అక్టోబర్ 24న హైదరాబాద్‌లోని ఠాగూర్ ఆడిటోరియంలో జరగనున్న రాష్ట్ర స్థాయి 50 అర్థ శతాబ్ద వసంతాల సభకు పూర్వ మరియు ప్రస్తుత పీ.డీ.ఎస్.యూ నాయకులు, విద్యార్థులు, మేధావులు పెద్ద ఎత్తున హాజరై విజయవంతం చేయాలని ప్రిన్స్ పిలుపునిచ్చారు. ఈ కార్యక్రమంలో PDSU నాయకులు రాహుల్, సాయి, అక్షయ్, నిశాంత్, గణేష్, వెంకటేష్, చరణ్ తదితరులు పాల్గొన్నారు.
