నీట్ అంశంపై ప్రతిపక్షాల తీరుపై బీజేపీ ఆగ్రహం

25 జులై, 20262 నిమిషాల పఠనం9 వ్యూస్

రచయిత

Barukunta Mahendher

నీట్ అంశంపై ప్రతిపక్షాల తీరుపై బీజేపీ ఆగ్రహం

సారాంశం

నీట్ పరీక్షల అంశాన్ని రాజకీయం చేస్తూ, విద్యార్థులను రెచ్చగొట్టేలా వ్యవహరిస్తున్న ప్రతిపక్షాల తీరుపై భారతీయ జనతా పార్టీ (బీజేపీ) తీవ్ర ఆగ్రహం వ్యక్తం చేసింది. లోకేశ్వరం మండల కేంద్రంలో కాంగ్రెస్, ఇతర ప్రతిపక్ష పార్టీల వైఖరికి వ్యతిరేకంగా బీజేపీ నిరసన కార్యక్రమం నిర్వహించింది.

ముఖ్య విషయాలు

లోకేశ్వరం మండల కేంద్రంలో కాంగ్రెస్, ఇతర ప్రతిపక్ష పార్టీల వైఖరికి వ్యతిరేకంగా బీజేపీ నిరసన కార్యక్రమం నిర్వహించింది.
నీట్ పరీక్షల అంశాన్ని రాజకీయం చేస్తూ, విద్యార్థులను రెచ్చగొట్టేలా ప్రతిపక్షాలు వ్యవహరిస్తున్న తీరుపై భారతీయ జనతా పార్టీ (బీజేపీ) తీవ్ర ఆగ్రహం వ్యక్తం చేసింది.
బీజేపీ జిల్లా అధ్యక్షుల ఆదేశాల మేరకు లోకేశ్వరం మండల కేంద్రంలో కాంగ్రెస్, ఇతర ప్రతిపక్ష పార్టీల వైఖరికి వ్యతిరేకంగా నిరసన కార్యక్రమం నిర్వహించారు.
ప్రధానమంత్రి నరేంద్ర మోదీ, కేంద్ర హోంశాఖ మంత్రి అమిత్ షా, కేంద్ర విద్యాశాఖ మంత్రి ధర్మేంద్ర ప్రధాన్‌లను లక్ష్యంగా చేసుకుని నిరాధార ఆరోపణలు చేయడం సరికాదని హితవు పలికారు.

లోకేశ్వరం, 25 July

నీట్ పరీక్షల అంశాన్ని రాజకీయం చేస్తూ, విద్యార్థులను రెచ్చగొట్టేలా ప్రతిపక్షాలు వ్యవహరిస్తున్న తీరుపై భారతీయ జనతా పార్టీ (బీజేపీ) తీవ్ర ఆగ్రహం వ్యక్తం చేసింది. బీజేపీ జిల్లా అధ్యక్షుల ఆదేశాల మేరకు లోకేశ్వరం మండల కేంద్రంలో కాంగ్రెస్, ఇతర ప్రతిపక్ష పార్టీల వైఖరికి వ్యతిరేకంగా నిరసన కార్యక్రమం నిర్వహించారు.

ఈ సందర్భంగా బీజేపీ నాయకులు మాట్లాడుతూ, కేంద్ర ప్రభుత్వాన్ని అస్థిరపరచాలనే కుట్రతో కాంగ్రెస్, ఆప్, ఎస్పీ తదితర పార్టీలు శాంతిభద్రతలకు విఘాతం కలిగించేలా చర్యలకు పాల్పడుతున్నాయని ధ్వజమెత్తారు. ప్రధానమంత్రి నరేంద్ర మోదీ, కేంద్ర హోంశాఖ మంత్రి అమిత్ షా, కేంద్ర విద్యాశాఖ మంత్రి ధర్మేంద్ర ప్రధాన్‌లను లక్ష్యంగా చేసుకుని నిరాధార ఆరోపణలు చేయడం సరికాదని హితవు పలికారు.

ఇదే సమయంలో హిందూత్వాన్ని, ఆరాధ్య దైవం భగవాన్ శ్రీరాముడిని, జాతి మాత అయిన భారతమాతను అవమానించేలా కొందరు నాయకులు అనుచిత వ్యాఖ్యలు చేస్తున్నారని తీవ్ర స్థాయిలో మండిపడ్డారు. దేశభావాలను కించపరిచేలా వ్యవహరిస్తున్న అలాంటి వారిపై ప్రభుత్వం తక్షణమే కఠిన చట్టపరమైన చర్యలు తీసుకోవాలని బీజేపీ నాయకులు డిమాండ్ చేశారు.

నిరసన కార్యక్రమంలో మండల అధ్యక్షుడు బొడిగ సాయన్న, అసెంబ్లీ జాయింట్ కన్వీనర్ సుమన్, మండల ప్రధాన కార్యదర్శి ఒడ్నాల మురళి, సీనియర్ నాయకులు మాజీ సర్పంచ్ మెండే శ్రీధర్, ధర్మోరా సర్పంచ్ సంజీవరెడ్డి, మండల ఉపాధ్యక్షులు సంతోష్ గౌడ్, పిఎసిఎస్ డైరెక్టర్ వెంకటరెడ్డి, చైతన్ రెడ్డి, ఉప సర్పంచ్ సాయి తేజ గౌడ్, యువ నాయకులు భూమేష్, నవీన్ రెడ్డి, మండల సోషల్ మీడియా కన్వీనర్ బొడిగ ప్రవీణ్, మామిడి భాస్కర్ రెడ్డి తదితరులు పాల్గొన్నారు.