సమయానికి స్పందించిన సర్పంచ్.. కోరిటికల్ లో తప్పిన ప్రమాదం

నిర్మల్ జిల్లా మామడ మండలంలోని కోరిటికల్ గ్రామ శివారులో ఉన్న గుర్రపుకుంట చెరువుకు గండి పడటంతో గ్రామస్తులు తీవ్ర ఆందోళనకు గురయ్యారు. విషయం తెలుసుకున్న సర్పంచ్ మోతే రాజేశ్వర్ వెంటనే సంఘటనా స్థలానికి చేరుకుని, జేసీబీల సహాయంతో గండిని పూడ్చే పనులను అత్యవసరంగా చేపట్టారు.

నిర్మల్ జిల్లా మామడ మండలంలోని కోరిటికల్ గ్రామ శివారులో ఉన్న గుర్రపుకుంట చెరువుకు గండి పడిన ఘటనతో గ్రామస్తులు తీవ్ర ఆందోళనకు గురయ్యారు. విషయం తెలిసిన వెంటనే గ్రామ సర్పంచ్ మోతే రాజేశ్వర్ హుటాహుటిన సంఘటనా స్థలానికి చేరుకుని పరిస్థితిని పరిశీలించారు.

అనంతరం జేసీబీ యంత్రాలను ఏర్పాటు చేసి, గ్రామస్తుల సహకారంతో గండిని పూడ్చే పనులను అత్యవసరంగా చేపట్టారు. సకాలంలో స్పందించి గండిని అదుపులోకి తీసుకురావడంతో చెరువుకు మరింత నష్టం జరగకుండా, సమీప వ్యవసాయ భూములు దెబ్బతినకుండా చర్యలు తీసుకున్నారు.

సర్పంచ్ మోతే రాజేశ్వర్ సమయస్ఫూర్తితో వ్యవహరించి వెంటనే సహాయక చర్యలు చేపట్టడంతో గ్రామస్తులు హర్షం వ్యక్తం చేశారు. ప్రజా సమస్యలపై వెంటనే స్పందించి గ్రామాన్ని ప్రమాదం నుంచి కాపాడిన సర్పంచ్‌ను గ్రామ ప్రజలు అభినందించారు.

స్థానికులు మాట్లాడుతూ, సంబంధిత శాఖ అధికారులు చెరువు కట్టకు శాశ్వత మరమ్మతులు చేపట్టి భవిష్యత్తులో ఇలాంటి ఘటనలు పునరావృతం కాకుండా చర్యలు తీసుకోవాలని కోరారు.